藍田平原激罕秋冬紫芒草媲美金黃芒草 一條路線登鯉魚門魔鬼山炮台賞夕陽

藍田平原激罕秋冬紫芒草媲美金黃芒草 一條路線登鯉魚門魔鬼山炮台賞夕陽

【#罕見紫芒草】最近,藍田鬧市間出現咗一片紫芒草田,吸引唔少山友駐足觀賞打卡,生長於平地上嘅紫芒草其實叫紫穗狼尾草,同芒草形態有幾分相似,花田遍佈平原,拍拖兩個人影吓相亦幾浪漫㗎,絕對係「追芒族」必去嘅影相地!捕捉完紫芒草田風光,既可以穿梭至五桂山、茅湖山,亦可以從藍田走到鯉魚門,登上小山徑,前往魔鬼山,最後以鯉魚門石礦場作結,市區同樣可以玩足一日。

【3低本地遊】前身係鹽田勁有錢? 滙景掃食5間小食店 五桂山茅湖山堪稱藍田後花園

【3低本地遊】藍田 登上後花園

位於九龍東嘅藍田,夾喺觀塘同油塘之間,美食同遊覽地方唔多,大多係屋苑、學校,比較少人會花時間遊覽,大多只以依山而建嘅藍田公園作休閒郊遊之處,甚至以此為起點到五桂山行山,遠距離睇海景,但其實滙景商場都有高質但價格低廉嘅美食,而且南下茶果嶺村亦可近距離欣賞海景呢!