【澳門偽旅行】迷你葡萄牙羅卡角海岬/倒模路環彩虹屋打卡 歎地道澳門豬扒包兼暢遊黑沙海灘

【#澳門偽旅行】香港人現時既無得搭飛機去旅行,就連搭船「過大海」去澳門都係遙遙無期嘅事,無選擇之下,拍拖兩個人唯有繼續喺香港玩吓本地遊啦,今次就以澳門為主題四圍逛吓。澳門原為葡萄牙殖民地,至今大街小巷仍然保留其特殊葡萄牙特色,包括葡式建築物、葡萄牙菜、葡國文化、葡語等,連街道名都採用葡萄牙瓷磚畫藝術,種種皆揉台中西文化。