欣澳秘密海邊樹林賞紅葉 10棵楓樹毋須爭位 片片楓葉媲美元朗大棠楓香林

賞楓系列﹕欣澳海邊樹林紅葉

【#楓葉率先睇】秋「楓」起,又係時候兩個人去尋找楓葉蹤影!季節限定嘅楓葉正準備漫山遍野盛放,要數種植香港楓葉嘅地方,大多數人第一時間一定會諗到元朗大棠楓香林,又或者近年受行山客歡迎嘅大埔烏蛟騰九擔租風水林,甚至係大欖郊野公園、青衣公園等賞楓好去處,今次編輯就帶大家去更鮮為人知嘅賞楓秘地,當日現場全無他人,顯然該楓香地帶未完全曝光,值得拍拖情侶去靜悄悄觀賞紅葉風景。