【賞花地圖2022】赤紅變鮮黃!大窩口邨驚現激罕黃花木棉 受氣候土壤變化轉色超搶眼

大窩口邨黃花木棉

【#罕見黃木棉】踏入初春,代表又到咗賞花嘅時候,本來編輯今年並無打算追花,亦唔想寫香港賞花2022追蹤地圖,但近日於大窩口發現一棵非常罕見嘅黃花木棉樹,樹上朵朵鮮黃木棉掉落,色調極搶眼,無論樹形定花形都同現時隨處可見嘅紅花木棉樹相似,原來黃花木棉係極罕有嘅品種,只係受氣候、土壤等環境影響轉色,黃棉確實比紅棉更值得拍拖兩個人去駐足觀賞。