標籤: 寶林美食

【#厚切魚生】如果你係將軍澳人，一定會知道尚德邨每晚都會有一個迷你夜市，一車車小販檔有舊時掃街風味，而小型夜市對面其實就係將軍澳尚德廣場，對面亦有一間好有水準嘅手卷及丼飯外賣店，無論你拍拖兩個人叫手卷定丼飯，都份量十足，而且係親民價錢。

【#上山野餐】將軍澳行山路線嚟講，小夏威夷徑你一定有去過，即使兩個人接住走少女峰、鴨仔山，2小時內都可以完成。今次編輯重點並非行山，而係帶大家拍拖野餐，小夏威夷徑離將軍澳寶林嘅商場不遠，買完嘢食再上山野餐，上游望瀑布景，下游則可從高點俯視將軍澳景色，比平常郊外或街邊野餐點更好風景。