【區區有小店】大角嘴美食巡禮2023!一文睇清小區推介43間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第一炮先找尋大角嘴尚存嘅本土餐廳。

大角嘴迷你威尼斯西餐廳Risotto出色 中西合璧加臘味賣Fusion?

威尼斯餐廳

【#與麥記同價】大角嘴係一個隱藏小區,真小店眾多,美食應有盡有,當中一個商場就雲集多間食店,每間都係值得拍拖兩個人一試再試嘅餐廳。當你以為呢啲商場微舖唔會有西餐廳嘅時候,編輯又可以話你知,商場側小街道都有一間隱藏版西餐廳,價錢等同一份現時香港麥記快餐嘅水平,但同等價錢就已經可以享用一份西餐。