30分鐘由新界西行到新界東!窺探隧道底搶眼翡翠之鏡 葵涌配水庫經城門水塘下降至大圍市中心

葵涌北食水配水庫>城門水塘主壩>城門下水塘至大圍

【#水塘秘路】荃灣嘅城門水塘係唔少人都行過嘅地方,路線清晰而簡單,拍拖閒遊向來都係合適路線,部份人甚至會連住菠蘿壩、金山而走,甚至接住行俗稱針草帽嘅針山、草山、大帽山,但記者今次想行嘅係經城門水塘,從荃灣至葵涌直接行到沙田大圍方向,你以為好難?事實上,由葵涌行到大圍,幾乎全程石屎路,兩個人要由新界西行到新界東,其實不難!