南丫島碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?

索罟灣皇冠郵筒+神風洞+蘆鬚城泳灘

【#秘密小沙灘】夏日炎炎,暑氣逼人,天上艷陽高照,烈日當空,多行幾步都汗如雨下,身體變得灼熱,想驅走酷暑悶熱嘅天氣,最佳答案必然係拍拖兩個人去水上活動啦!7月已到達尾聲,你又開始咗下水禮未呢?香港有唔少水上活動,近年獨木舟、直立板等都變成熱門水上玩樂活動,西貢等地係熱門落水好去處,連沙灘都開始多人,今次編輯就推介一個躲藏於離島嘅好地方,位處南丫島,不單係一個康文署正式泳灘,長期擁一級水質,位置正對西面,可以觀賞夕陽西下景色,但星期日下晝時間16:00 全個泳灘人數只有20人,絕對係本地隱藏版沙灘!