秋季率先賞芒草!穿梭元朗南生圍+河背水塘 毋順登山走水泥路輕鬆尋芒草地

秋季芒草:元朗南生圍+錦田河背水塘

【#芒草預告】秋季來臨,既係觀賞紅葉嘅季節,亦係找尋蘆葦同芒草嘅季節,秋天就係蘆葦同芒草最佳觀賞期,今次編輯先以一條路線帶大家去搵吓蘆葦同芒草啦!蘆葦同芒草向來係攝影不敗題材之一,情侶拍拖去影吓相亦難掩浪漫,不過芒草同蘆葦、茅草並唔一樣,大多數芒草都係生長於山上,如果唔行山其實係難以找尋得到,但事實上亦有地方係無需要辛苦上好高嘅山亦可以拍攝到!