【區區有小店】太子美食巡禮2023!小區推介16間尚存本土餐廳!

太子美食 徐記廚房點心 迪欣湖野餐

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第二炮找尋太子尚存嘅本土餐廳。

太子人氣車仔麵湯底鹵汁混腩汁 16款麵底任揀必試低卡蒟蒻麵

何車車仔麵

【#人氣車仔麵】香港車仔麵店有好多,要突圍而出就要提供獨特嘅餸菜款式,連麵底都要與別不同,太子有一間車仔麵店於同一區「開雙」,而且受到歡迎,唔少人都拍拖兩個人去撐場,更不時出現排隊情況,變成一間人氣車仔麵店,事實上,餸菜款式有別於平常地踎車仔麵嘅簡樸,連麵底都足足有16款可擇。