標籤: 中環路線

【#港式霓虹燈】如果要用一個詞語嚟形容香港展覽，有啲人會講「衰落」、「末落」，而編輯覺得最精準嘅應該係「打卡」。今時今日，展覽要吸引人流，並唔係要有好有深度嘅內容，反而係著重於「打卡」，因為香港人就係鍾意「打卡」，其實「打卡」唔係罪，拍拖兩個人去「打卡」，都不失為一個好節目，只不過「打卡」嘅同時，最好係包含內容，雖然…好似有啲複雜。今次中環大館有一個霓虹燈展覽，完美演繹用「打卡」嚟吸引眼球。

【#中環海濱夏祭】夏天熱雖然熱焫焫，但拍拖兩個人亦唔一定只係留低喺冷氣間，出戶外玩更可以感受夏天。除咗玩水上活動，近期都可以去中環海濱空間，該處唔單止有摩天輪，亦有一個以「中環夏祭」為題嘅展覽活動，活動容許毛孩進場，而最特別之處係活動內加插舊巴士，當中消失多時嘅「中華巴士」更加謀殺唔少菲林，令大家瞬間變成巴膠！

【#神佛秘地】中環市中心內有一道百年老街，係電影、電視劇經典取景場地，亦係唔少人嘅打卡熱點，拍拖兩個人穿梭其中恍如時光倒流；由中環前往淺水灣沙灘，會發現盡頭有一個中式小公園，內裏躲藏一個又一個神像、佛像，更有古代神話人物，甚至中西合璧，無論係觀音菩薩、天后娘娘、佛祖、釋迦牟尼佛，抑或係海龍皇、彌勒佛、玉皇大帝、王母娘娘、月老、壽星公，定係泰國四面佛，都可見蹤影，都算係一個神秘神佛聚腳點，公園有幾分似台灣高雄蓮池潭龍虎塔。

【#神秘寺廟】中環心臟地帶竟然出現一座超靚嘅薄荷綠教堂？呢座建築物其實係一座被列為香港一級歷史建築嘅寺廟，拍拖兩個人可以去欣賞吓歷史建築，亦可以影吓相。