【區區有小店】旺角美食巡禮2023!小區推介28間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第三炮找尋旺角尚存嘅本土餐廳。

離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道

越發地道河內料理

【#河內料理】旺角鬧市食店眾多,中西美日俄各類菜式任君選擇,當中越南菜雖不止一間,但越南河內料理就比較少見,旺角近油麻地就有一間以河內美食為主打嘅食店,食飯時間會有人排隊等候入座,而據悉連越南華僑亦大讚菜式正宗,似乎係一間適合拍拖兩個人一試嘅食店。