【區區有小店】沙田美食巡禮2023!小區推介9間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第二十七炮找尋沙田尚存嘅本土餐廳。

【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足

蒸糕包

【#蒸點心】講到沙田瀝源邨,有留意eatwo嘅讀者應該會記得編輯曾經推介過3間瀝源邨內嘅良心小店,拍拖兩個人行到沙田嘅話都可以支持支持,但事實上瀝源邨內重有一間超級秘密嘅小店,比上次介紹嗰3間更值得支持,老闆娘非常熱情,而且出心出力,極有善心,凡事不遺餘力,雖然店舖位於街市內,但你亦可以於街市外邊位置點餐,再自行選擇野餐地點。