標籤: 葵芳新店

【#香港人漢堡】近日，有指香港麥當勞將魚柳包由純紙包改為盒裝，避開外賣麵包頓變皺皮嘅形象，企圖改變以往被批評Burger「理想與現實」嘅狀況，不過記者有得揀都唔想食港版金拱門，所以就未知紙盒裝魚柳包同舊時嘅發泡膠盒裝魚柳盒有無咩分別。的而且確，好多漢堡包店都係用純紙包裝，即使高水準如嘉寶漢堡，都會因紙包漢堡而「走樣」。最近葵芳葵涌廣場就有一間全新嘅漢堡包專門店，追上潮流選用紙盒包裝。