【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover

泰金閣+泰國菜餐廳+賈炳達道公園+九龍寨城公園+牛元帥粉麵

【#九龍城泰國菜】以往選擇堂食去餐廳食飯,一個餐廳通常只會提供一款菜式,但如果選擇將唔同餐廳嘅食物外賣,再另覓用餐地點,以野餐方式用餐,就可以同一時間品嚐兩種或多種截然不同嘅菜式,如果拍拖兩個人各有想法,倒不如兩間都買,順便嚟個Crossover,可能會有更獨特嘅風格。今次編輯就選擇九龍城區內一間人氣泰國菜,對比區外受歡迎嘅泰國菜餐廳更值得一試,另外亦挑選一間以牛為主打嘅潮州粉麵店,帶大家到一個因最近被扑鎚嘅市區重建計劃而受到影響嘅公園用餐。