【區區有小店】深水埗美食巡禮2023!小區推介13間尚存本土餐廳!

深水埗美食 Tino's Pizza 堤諾比薩

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第四十三炮找尋深水埗尚存嘅本土餐廳。

深水埗基隆街泰北麵口味正宗 家鄉湯底香口惹味恍如穿越泰國

深水埗泰基隆

【#大碗泰北菜】夏日炎炎,氣溫高嘅情況下就最啱食東南亞菜,而辣椒有助排毒祛濕,泰國人通常愛好以辣椒炮製菜式,當中泰國菜就係於香港最常品嚐到嘅東南亞菜式,平常主打泰國菜嘅餐廳有唔少,但講到泰北菜就似乎唔太多。深水埗基隆街就有一間主打泰北菜嘅小店,價錢平民,而出品又相當正宗,拍拖兩個人走入小店內有如穿越泰國一樣。