愉景灣小歐洲度假風情 大嶼山稔樹灣菲人村旁藏長沙欄無人沙灘

愉景灣+長沙欄沙灘+稔樹灣村

【#無人沙灘】愉景灣向來係香港大嶼山一大海灣,區內環境恍如外國,加上聚集大量外藉人士,令海灣上有如小歐洲,充滿異國風情,而愉景灣海陸相通,不單可以由中環經海路進入,亦可以從東涌或欣澳陸路進入,交通上相當方便,令唔少拍拖情侶都會選擇愉景灣作週末好去處,兩個人可以於海灣內感受度假感,尤其去吓大白灣沙灘。不過,早早已經出名嘅愉景灣大白灣沙灘一望而知人頭湧湧,夏天絕對要見縫插針,如果唔需要落水,只係曬吓太陽或者散吓步、望吓海,編輯建議行完少少找尋一個無人沙灘,環境清靜得多。