標籤: 初級山徑

【#新手爆林】爆林路線向來係行山高手嘅路線，若只係新手行山，又或拍拖行山，高級爆林路線就未免過於複雜，想兩個人嘗試爆林又怕迷路、複雜同辛苦，不妨試吓以下呢條簡單爆林路線，路段既少人行，又適合新手，重可以搵吓地面仰望山上嘅巨型白色波波，更可以通往被稱為千島湖嘅大欖涌水塘、神秘嘅桃坑峒，甚至行到圓墩歷史舊村草地睇一群牛牛，沿路可直通青龍頭、深井方向。

【#悠閒路線】梅窩、愉景灣皆為本地著名度假小鎮，遍佈歐陸風情，有山有水，環境清靜，景色怡人，適合拍拖兩個人短遊。唔少人都會於週末專程乘搭渡輪或巴士分別進入兩地，其實要來往梅窩、愉景灣，一條路線就可以到達，同一日可以同時遊覽兩個小鎮，非常悠閒，有時間更可以再遊覽欣澳㗎！

【#西貢古道】今次路段可以由九龍行到新界，穿過一條比較少行山人士走過嘅西貢古道，由九龍灣行到西貢，倘若唔上飛鵝山頂，汗水亦無需要出，屬拍拖兩個人初夏漫步閒遊之選。

【#迷你長城】被稱為「五岳」之一嘅華山，海拔高約千幾二千米，地勢險要，步行上山甚艱難，萬里長城則同純一六國嘅秦始皇有關，連接燕、趙、秦嘅舊城牆，連綿萬里，歷史悠久嘅萬里長城目前位於大灣區，而香港「上水華山軍路」可算係「港版萬里長城」，結合華山同萬里長城。沿途山過山、嶺過嶺，蜿蜒山路迂迴曲折，「上水華山軍路」乍看來狀似迷你版萬里長城，兩個人去吓本地遊好過去大灣區啦！

【#水塘秘路】荃灣嘅城門水塘係唔少人都行過嘅地方，路線清晰而簡單，拍拖閒遊向來都係合適路線，部份人甚至會連住菠蘿壩、金山而走，甚至接住行俗稱針草帽嘅針山、草山、大帽山，但記者今次想行嘅係經城門水塘，從荃灣至葵涌直接行到沙田大圍方向，你以為好難？事實上，由葵涌行到大圍，幾乎全程石屎路，兩個人要由新界西行到新界東，其實不難！

【#山上靜土】由東涌去昂坪，遊客必揀昂坪360纜車，但本地人梗係唔搭藍綠色為主調嘅纜車啦，東涌雖然同時有大嶼山巴士路線可直達昂坪，但週末由等車到搭車，時間分分鐘虛耗2至2.5小時，拍拖兩個人去就浪費4至5小時。既然如此，倒不如步行過去，2至2.5小時已經可以步行至昂坪廣場。

【#快閃路線】想走上東梅古道，由東涌行到梅窩，大多數人都會以黨鐵東涌站為起點，個個都教路乘搭地下鐵去東涌，唔通個個都想搭地下鐵？大概係個個都貪嗰邊方便快捷，以為係最慳水慳力又慳時間嘅方法。今次記者就帶大家由另一條路線取替經地下鐵行東梅古道，拍拖亦毋須乘搭地下鐵路，都可以兩個人以東涌為起點行到梅窩！

【#遊走古道】由西貢行入馬鞍山，只需1小時即可穿過北港古道、茅坪古道，雖有部份上落斜路段，但沿途樹蔭連綿，毋須暴曬，屬一道休閒路線，即使兩個人夏天拍拖上山亦算適合。

春天又到啦！武漢肺炎疫情於香港持續一年，政府 […]