【區區有小店】中環美食巡禮2023!小區推介11間尚存本土餐廳!

中環美食 Kale 黃泥涌水塘公園

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第十四炮找尋中環尚存嘅本土餐廳。

【野餐隨行】上環巷弄現山西正宗熱拌冷拌刀削麵館 古老兵頭花園英皇銅像下開餐

拾味正宗刀削麵館

【#上環秘店】要喺香港找尋正宗嘅山西刀削麵未必困難,但要挑選良心嘅山西刀削麵就唔容易,今次編輯推介一間隱藏於上環小巷內嘅刀削麵館,麵條條條削得出色,冷熱皆宜,帶到香港一個最古老嘅公園野餐,而呢個公園以往又叫做兵頭花園,你又記唔記得呢?

【野餐隨行】無紅肉非素食店!中環羽衣甘藍沙律餐單健康又飽肚 大力推介黃泥涌水塘星級湖邊餐廳

【野餐隨行】無紅肉非素食店!中環羽衣甘藍沙律餐單健康又飽肚 大力推介黃泥涌水塘星級湖邊餐廳

【#星級食堂】近年,香港素食者上升,本地人對素食要求也增加,令素食餐廳愈開愈多,要拍拖兩個人挑選良心素食其實不難,中環巷弄間就有一間貌似賣素食嘅小店,但其實只係唔賣紅肉,賣清新飯盒,不時有外藉人士出入購買沙律飯盒,似乎不單止受本地人歡迎,而且吸引唔少外國人支持。今次編輯帶住呢款沙律飯盒,介紹讀者一個星級外賣飯堂,面對水塘及湖邊,毋須曝曬,更有超靚枱櫈提供,環境一流,簡直係一個純天然嘅餐廳!

隱藏中環橫街窄巷 OL至愛健康越式三文治

Bánh Mì Kitchen (利源東街)

【#越式三文治】越南菜當中,越南河Pho係其中受歡迎嘅菜式,但越南菜一般俾人印象都係比較多香料兼油膩,其實越南菜都可以好健康,例如越式法包、米紙卷,中環橫街窄巷內就有一間主打健康越南法包嘅良心店,叫包再揀配料,變成越式三文治,有食Subway嘅感覺,適合兩個人拍拖食簡餐,更適合一眾OL當Lunch。

中環鬧市地庫藏日式石燒牛食堂 半自助式套餐最平$48!

滿滿食堂

【#地牢石燒牛】要數只能夠堂食嘅類別,除咗拉麵重有咩?事實上,日式石燒牛扒同拉麵一樣,都係一種無得外賣、只能堂食嘅類別,如果拍拖兩個人無得堂食,睇怕之後都食唔到,謹記好好珍惜剩低可以堂食嘅日子呀!中環有一間平價日式石燒牛扒,100g牛扒最平只係$48,豬牛羊雞任君選擇,適合食肉獸。