【#屯門沙灘】澳洲有黃金海岸，香港亦有黃金海岸，充滿異國情調，商場以地中海風格設計，寫意非常，本來有浪漫感，係傳統拍拖好去處之一。夏日炎炎，兩個人再遊走旁邊嘅黃金泳灘，更有外國感，同時可觀賞夕陽靚景，本來有如海邊度假，但現時沙粒、水質都似乎有欠完美。

【#一股熱血】齊柏林品牌係廣為人知嘅售賣熱狗嘅連鎖店，而兩餸飯掀起熱潮，「齊字頭」近月更涉足兩餸飯行列，到目前為止已經開設4間分店，主要分佈於新界，最新消息亦有於九龍設下分店，莫非想打造兩餸飯連鎖店？今次編輯就挑選其中屯門一間分店，再帶大家拍拖前往屯門海旁草地野餐，兩個人飽餐之後再探索吓當中革命之地嘅一級歷史建築物，園內隱約仍可感覺到一股熱血。

【#無人沙灘】愉景灣向來係香港大嶼山一大海灣，區內環境恍如外國，加上聚集大量外藉人士，令海灣上有如小歐洲，充滿異國風情，而愉景灣海陸相通，不單可以由中環經海路進入，亦可以從東涌或欣澳陸路進入，交通上相當方便，令唔少拍拖情侶都會選擇愉景灣作週末好去處，兩個人可以於海灣內感受度假感，尤其去吓大白灣沙灘。不過，早早已經出名嘅愉景灣大白灣沙灘一望而知人頭湧湧，夏天絕對要見縫插針，如果唔需要落水，只係曬吓太陽或者散吓步、望吓海，編輯建議行完少少找尋一個無人沙灘，環境清靜得多。

【#上山下海】西貢行山路線繁多，適逢初夏時份，今次帶大家輕鬆遊走西貢東壩至白腊灣沙灘，登上破邊洲，地質步道附近有一條路線可以同時包含上山下海，適合拍拖兩個人閒遊一下。

【#少人嘅沙灘】踏入盛夏，又係時候去沙灘玩吓水，不過熱門沙灘人流極多，往往需要見縫插針，難以享受陽光與海灘環境。今次編輯帶大家去一個人流比較少嘅沙灘，車輛無法進入，只可以兩個人靠雙腿去沙灘位置，最適合拍拖情侶靜靜遊沙灘！

【#回望赤柱】盛夏來臨，又係時候去吓沙灘，單單一個赤柱就有幾個沙灘，赤柱向來以歐陸風情聞名，但現時往往被擠得人頭湧湧，事實上兩個人行多幾分鐘，就可以稍稍避開人群，找尋靠近赤柱而舒適嘅沙灘。

【#隱藏山路】元朗有唔少山丘，當中有一座山隱藏於元朗後山嘅小山丘，靠近橫洲娛苑，一道小秘道就可以通往一座極少人步行登上嘅小山丘，讓大家拍拖兩個人輕鬆爬142級樓梯就能夠登頂，一方面可瞰雞公嶺，另一方面亦可眺望天水圍後山淋坑山。

【#高汁遊樂場】香港有好多個配水庫，通常靠近配水庫嘅遊樂場都係市區後花園，而近月牛頭角配水庫附近就有一個全新遊樂場，場內有別於一般配水庫遊樂場，並非只有大草地，更有一個超特別遊樂設施，同坊間公園大有分別，無論刺激度定造型上都別具一格，而設施同野餐大草地剛分成兩個區域，拍拖兩個人野餐都相當方便。

【#北角後山】紅香爐峰向來係相當具人氣嘅北角後山，15分鐘已經能夠登頂，而且景觀遼闊，360度風景盡收腳底，結合快靚正條件，長假期時山頂全日皆人滿為患，但原來長假期後係可以拍攝山頂無人畫面。而紅香爐峰山下有一個近年瞬間大受歡迎嘅小公園，兩個地方編輯都曾經帶大家去過，只不過想做一個綜合，最大分別係砌出一道更仔細、更完整嘅路線，兩個人氣景點都同時出現杳無人煙嘅情況，不過唔想睇多次嘅話，可以撳下一篇繼續睇吓拍拖兩個人嘅好去處。