2020-09-23
The Ugly Duckling

觀塘平價西餐廳裝潢好Duck 人均$150最啱撐枱腳



    The Ugly Duckling 觀塘西餐廳人均僅$150 (裝潢好Duck!) 最啱撐枱腳【按圖睇片】
    {"popup_fix":"false"}

    觀塘工廈向來多美食,鴻圖中心內有幾間價錢相宜又幾特別嘅食肆,最啱工業區返工嘅朋友。呢間喺鴻圖中心地下嘅西餐廳,以半開放式設計,見到門口隻鴨仔幾得意,人均只係100至150,兩個人食都夠飽肚,最啱拍拖平平哋撐枱腳!

    室內燈光偏暗,有西餐廳氣氛,最特別係以鴨仔為主題,擺放咗啲可愛嘅鴨仔裝飾,真係好Duck!

    大蝦牛柳 Surf & Turf $168 係店內嘅Signiture Grill,全部餐都可選擇飯或意粉或薯菜,而薯菜有別於平時嘅薯菜,薯條較大塊,亦好香脆,不過偏鹹。有燒汁同黑椒汁選擇,但Miss A怕黑椒有機會太辣,所以選擇燒汁較穩陣,燒汁淋上牛柳好香口。主菜有大蝦同牛柳,牛柳肉質軟嫩,無咩筋位,纖維都唔多,生熟度應該約七成剛剛好,入口好有肉汁,好Juicy,亦都有濃郁牛味。大蝦開邊炮製,雖然得一隻,但好厚肉,入口都爽口彈牙,加上連類似香草嘅配料燒過更惹味。

    每個餐都有餐湯或沙律、餐飲,餐湯每次都唔同,是日餐湯係蕃茄忌廉湯,入口比較介乎Creamy至杰身嘅感覺,好多蕃茄蓉,飲到底甚至有粒粒蕃茄籽,幾順滑。而沙律亦材料豐富,份量充足,沙律菜好爽脆,發覺淋有橄欖油同黑醋,入口清爽之餘帶有酸甜味,好開胃。

    海鮮燴飯 Seafood Risotto $88 包含蟹肉、蝦、藍青口,係一碟濃郁嘅蕃茄燴飯,飯粒入口偏軟,唔似有啲燴飯咁過硬,以酸酸甜甜嘅蕃茄製嘅醬汁,令人更開胃,整碟燴飯嘅飯量充足,可以飽肚。表面有幾隻藍青口,飯底再隱藏幾隻蝦,最頂再舖有蟹肉碎,將蟹肉撕開並灑上飯,蟹肉味令酸甜有致嘅燴飯添上幾分海鮮鹹香。

    自家製甜品Homemade Dessert有兩款平啲推介,包括丹麥朱古力餅 Danish Chocolate and Biscuit Cake意式奶凍 Panna Cotta,丹麥朱古力餅以朱古力同脆餅製成,香濃朱古力嘅苦澀味中帶有甜味,入口偏甜。脆餅作夾層令軟滑嘅朱古力同脆餅成對比,層次感豐富。至於意式奶凍就以士多啤梨味為主,上面有半粒士多啤梨作點綴,奶凍表面亦淋有一層厚士多啤梨醬,奶凍入口順滑,味道偏甜,加入士多啤梨醬嘅酸甜味較爽甜,適合作一頓晚餐嘅結尾。

    e.a.tips
    加甜品+$20,廢事走出去搵糖水舖嘅話,不妨直接食埋甜品,味道都唔差,唔需要等好耐就上枱,建議食完主菜先好叫店員上甜品。

    The Ugly Duckling

    地址﹕ 觀塘巧明街94-96號鴻圖中心地下5D-E號舖
    營業時間﹕ 星期一至六 12:00 – 15:30、16:00 – 20:30;星期日全日休息
    電話﹕ 9698 7788
    地址﹕ 觀塘巧明街94-96號鴻圖中心地下5D-E號舖
    營業時間﹕ 星期一至六 12:00 – 15:30、16:00 – 20:30;星期日全日休息
    電話﹕ 9698 7788

    Please Like & Follow & Subscribe /
    歡迎讚好、追蹤、訂閱