中環鬧市3條街有6個T形街牌 1幢建築物有4個街牌通通近蘭桂坊?

中環鬧市3條街有6個T形街牌 1幢建築物有4個街牌通通近蘭桂坊?

中環大館同藝穗會係中區眾所週知嘅地方,兩者都位處中環鬧市,向來係拍拖兩個人攝影好去處,既然熱門到咁,相信都唔需要多講兩者嘅歷史,編輯反而想提及被普遍人忽略嘅細微之處。大館、藝穗會分別係香港法定古蹟、香港一級歷史建築物,既屬戰前建築,亦係殖民時代嘅建築物,故兩者大樓牆壁上都能夠清晰見到T形街牌仍舊存在,其中一幢更擁有4個僅存舊街牌呢!

(1)荷李活道

單單荷李活道就有2個T形街牌,一前一後並列中環大館牆壁角落,整道荷里活道基本連接中環至上環,全長有1公里,其實係香港開埠之後港島區首條興建完畢的街道,大概係1841年中旬,因為英國人登陸香港島之後,最先係發展太平山一帶,當時其實鄰近海邊。

至於荷李活道到底同美國電影業嘅荷李活有無關係呢?事實上,美國荷李活係喺1910年先成名,所以荷李活道未必同荷李活有關係。另一說法係週邊種植唔少冬青樹,而冬青樹又叫「Holly」,如同冬青樹林,英國人要為呢個地方起名,就直接叫「Holly Woods」,「Woods」指嘅就係綠樹成林,隨後先直譯為「荷李活道」。

另外亦有說法係指同香港第二任港督戴維斯(John Francis Davis)有關,皆因佢家鄉係英國一個小鎮,逐小鎖名為荷李活鎮(Hollywood),最後採用「Hollywood」作荷李活道名稱,如同中區「砵甸乍街」係直接採用第四任港督名字。

荷李活道有唔少中區景點,包括有文武廟、中環大館,都係香港開埠前已經建成嘅建築物,至今仍然屹立不搖。

(2)雲咸街

以下兩條街道比荷李活道大館更厲害,因為建築物上並不只2個個T形街牌,而係兩邊合共有4個T形街牌!呢幢建築物名為「藝穗會」,靠迎中環「蘇豪區」,即係「Soho」,附近遍佈酒吧、餐廳。

「藝穗會」一邊為「雲咸街」,位於中環半山一帶,離剛才提及嘅荷李活道不遠,全長有450米,山下為皇后大道中,雲咸街建於1842年,係維多利亞城重要組成部份。而「藝穗會」歷史則可追塑至19世紀末,為「舊牛奶公司倉庫」,故同樣係戰前建築物,現時仍舊保留T形街牌亦不意外。

(3)下亞厘畢道

位於「藝穗會」另一邊嘅街道係「下亞厘畢道」,亦係港島重要街道之一,連政府總部都曾設於該街道上,全長有0.7公里,離己連拿利天橋不遠,而香港樂隊My Little Airport亦有一首叫「下亞厘畢道」嘅歌曲。

「下亞厘畢道」名稱到底從何而來呢?由於係香港開埠時嘅街道,當時維多利亞城在位人物為維多利亞女皇,而佢嘅丈夫則叫做亞厘畢親王,故最後就以其丈夫名稱「Albert」為街道命名,

至於「下亞厘畢道」嘅T形街牌有2個,同「雲咸街」一樣,位置亦相近。而近年「下亞厘畢道」最為人熟悉嘅一定係當中設有「香港外國記者會」,室內只招待會員,包括記者及出版業界,最初由中華民國成立,屬外國媒體中心。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 香港外國記者會只限會員進入。
EATWO
Miss A