老闆娘係姜糖?大角嘴全新兩餸飯店有驚喜 近30款餸任揀三餸飯僅$37!

老闆娘係姜糖?大角嘴全新兩餸飯店有驚喜 近30款餸任揀三餸飯僅$37!

近一年,兩餸飯熱潮興起,坊間多咗兩餸飯專門店,有網民更製作香港兩餸飯地圖,但值得拍拖兩個人前往嘅兩餸飯其實不足10間,編輯曾經推介過約7間兩餸飯店,今次再推介一間近月全新開業嘅兩餸飯店,以親身留意嚟講,老闆娘應該係姜糖(姜濤Fans暱稱),而店內每日有近30款餸任揀,兩餸飯更低至$32,絕對係經濟實惠!

小店位處大角嘴富多來商場地舖,於4月中下旬開業,編輯記得經過呢間兩餸飯店時,最大印象係門口貼滿姜濤嘅相片,而且一直堅持派飯活動,近月前蘋果記者開設嘅平台亦有提及呢間兩餸飯店。據編輯留意,老闆娘有99%機會係「姜糖」,即人氣男團Mirror成員姜濤的支持者,因為平常會於店舖見到老闆娘的身影,但唯獨4月30日姜濤生日當天並無老闆娘身影,只係得年輕人同其他近齡女士看舖。

店舖開業至今一直都堅持派飯活動,都算不計成本,良心真係從做嘅事會睇得出,老闆通常會將飯餸派予區內露宿者。

呢間兩餸飯店有規有矩,有先有後,但只需要先購票,等待叫號,就可以再揀餸菜,相對排隊購買再俾錢,其實更有效率。每份兩餸飯$32、三餸飯$37,以編輯上次類比嚟講,的確算係全港數一數二平價嘅兩餸飯專門店。

加$3重有住家靚湯,例如當日嘅蕃茄薯仔豬骨湯,有好重薑味,濃郁蕃茄味,連薯仔都熬煮到出蓉,材料新鮮,湯水清甜而無味精。

白飯方面,門口寫明採用金象牌頂上茉莉香米,飯粒直長而乾爽,確實配合港式兩餸飯。店內嘅港式小炒餸菜至少有20款,甚至有近30款,絕對令人眼花撩亂。不過,菜式上都係偏向健康款式,煎炸物比較少,似乎大廚有刻意設計過。

今次挑選咗滑溜嘅蒸滑蛋、香甜嘅黑醋排骨、酸甜味嘅煎豬扒、香辣而不嗆鼻癢喉嘅口水雞、黏滿濃稠醬汁嘅豬紅、充滿鹹香味嘅腐乳魷魚通菜,每一款都有驚喜、有水準,食得出大廚有一定功架,有啲難以作出批評。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 位置於大角嘴很得輝斜對面。

❷ 下午茶優惠三餸飯送汽水。

❸ 黃花魚一條$30,珍珠班一條$35。

❹ 可以現金、八達通付款。

❺ 記得加$3有例湯。

❻ 每加一餸$8,淨一餸$25,淨兩餸$40,淨白飯$10。

EATWO
Miss A
大角嘴美食 詩嘉小廚

詩嘉小廚

大角嘴鐵樹街4號富多來商場一期地下16號舖
11:00 – 21:00
5996 5528