九龍塘公路邊舊筆架山火車通道 百年歷史煙墩山隧道有幾神秘?

九龍塘公路邊舊筆架山火車通道 百年歷史煙墩山隧道有幾神秘?

如果你係有返咁上下年紀,應該會記得港鐵東鐵線前身係九廣鐵路,到而家應該會改唔到口叫「火車」,當中九龍塘呢道火車隧道原來都係一段火車路線。事實上,現時靠近公路邊嘅火車隧道正正係舊時俾火車行嘅通道,雖然係禁止行人進入,但仍然可以拍拖兩個人從角落一窺究竟。

位處九龍塘嘅煙墩山隧道,由於煙墩山又叫筆架山,所以亦叫做舊筆架山隧道,英文都以筆架山命名為「Beacon Hill Tunnel」。隧道曾經被無數九廣鐵路火車通過,後來被筆架山隧道取代,呢一道煙墩山隧道由1981年起停用,因為要配合九廣鐵路現代化工程,而1982年至今已經無火車再經過,皆因煙墩山隧道關閉後不久,筆架山隧道就開通,煙墩山隧道則有指係改為予中華煤氣舖管輸煤氣用途,一直用作運送煤氣、天然氣。

由又一城起步,只需要向右邊方向走,依循達之路行到底,直到歌和老街,左邊為石硤尾公園,對面為畢架山峰,右邊則為歌和老街公園,前行至畢架山峰後,繼續向右邊方向走。沿歌和老街直行,當見到油站之後,前行1分鐘就會到達煙墩山隧道入口。

本來於煙墩山隧道入口下行樓梯,就可以於引水道近距離查看煙墩山隧道,但由於隧道係禁止進入,編輯只可以喺公路旁邊窺視,亦難以再觀望內裏情況,縱然有資料顯原內部曾經因戰後受到損毀,甚至有漏水問題,對此始終都係無從判斷。

煙墩山隧道與舊時鐵路歷史息息相關,隧道係經人手開鑿,隧道工人當中不乏死傷者。隧道經歷過蒸氣列車、柴油列車嘅年代,隧道由大埔口跨到九龍塘方向,連接沙田至九龍城區,起點係歌和路街,而終點另一端則為大圍地龍口,離顯邨不遠。隧道全長有一咪半,大概係2400米,為九廣鐵路英段,有指既係亞洲最大型工程,亦曾經為香港最長隧道,基本上有1906年5月開始起用,屹今有逾百年歷史。隧道由建築師Frederick Southey設計,煙墩山隧道由九龍起排第二,故此又叫做二號隧道,內裏更採花崗岩建造,隧道外可見以單軌設計,當時火車係單軌雙程行車。

目前,只能夠觀望鐵路入口週圍,附近雜草叢生,連隧道入口都佈滿草牆,貌似舖上一層層草皮,環境有幾分似動畫《千與千尋》場景,隧道口前面則有狹窄路軌。隧道頂端寫有「Beacon Hill Tunnel」,同時刻有年份1906、1910,而呢兩個年份其實就係施工年份,以及竣工年份。

80年代曾經有人建議改為行車隧道,以解決但附近隧道擠塞問題,但由於會產行安全問題,未有消防、逃生設備,最後被當時嘅港英政府安全顧問否決,未有變成行車隧道。即使停用多年,隧道兩端出入口有花崗岩石製成嘅磚牆,仍然完好保存,同時充滿歷史價值,古物諮詢委員會都未有對煙墩山隧道作任何古蹟評級。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 煙墩山隧道基本上係禁止進入。

❷ 如果想一窺究竟,可於歌和老街天橋向下俯視。

❸ 既然唔開放,就唔好自己探險啦,切勿攀爬入內,保障安全。

EATWO
Miss A

煙墩山隧道

九龍塘