芋圓圓
兩個人醫吓肚,  和你Taste,  小食甜品

太子芋圓專門店真係只賣芋圓?11款三色芋圓糖水中西Crossover口感煙韌Q彈

瀏覽次數: 47
個人瀏覽過





台式芋圓口感煙韌,向來受唔少人歡迎,尤以女士為甚,往往甜品、糖水、茶飲加入芋圓後,似乎都能夠吸引客人,芋圓糖水有好多間都係值得拍拖兩個人去支持,你又鍾意邊間呢?

呢間位於太子與深水埗之間嘅芋圓圓,都係一間人氣街坊糖水舖,店內11款配上芋圓嘅糖水包含糖不甩、紫米露、黑糖桂圓、喳咋、椰汁百合海底椰、腐竹蓮子薏米、桂花雪梨、仙草薏米紅豆、蛋花馬蹄露,每碗都介乎於$30至$35之間,價錢都算貼地,係大眾能夠負擔嘅水平。

每碗糖水都會有三色芋圓,包括芋圓、地瓜圓、紫薯圓,除咗自己想食咩之外,賣相靚嘅話最好注意埋配色,咁就色香味俱全啦!當中芋圓紫米露$30 雖然香甜味美,煮得濃稠厚身,椰漿較重,紫米味明顯,三色芋圓沉底,但紫色嘅紫米露配上芋圓之後,芋圓3種顏色變得如出一轍,要靠味蕾分辨3種芋圓。

腐竹蓮子薏米$30 就以白色為主調,腐竹煮得軟爛,有腐竹味但就少見腐竹,白色底配搭芋圓就比較容易配襯,令芋圓更為較出,糖水甜度唔高,並非死甜,故此都係一間幾出色嘅糖水舖。粒粒芋圓軟腍Q彈,唔會太紮實,啖啖煙韌有咬口,地瓜圓香味最濃,紫薯圓嘅甜味亦比較明顯,芋頭味反而係最低調唔突出嗰個,只有啖啖天然散發嘅芋香。

以為全部配上芋圓嘅都係糖水,原來重有一款已經售罄嘅焦糖白酒千層蛋糕$42,望落好似風馬牛不相及,只係似相模仿名牌甜品店,芋圓就放於千層蛋糕旁邊,好似硬要將每一樣甜品都加上芋圓,但感覺就有啲畫蛇添足。




E.A.Tips﹕

❶ 生芋圓都有得買,分300g、500g,價錢有$62至$105。

❷ 每碗都會包含三色芋圓,可加桃膠$5、芋圓$10、仙草$10、期間限定$4係芝麻或綠茶味各2粒。

❸ 店內只狀現金。


芋圓圓

  • 太子柏樹街1號地舖
  • 15:00 – 00:00
  • 5543 0154

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


中環鬧市3條街有6個T形街牌 1幢建築物有4個街牌通通近蘭桂坊?
驚現外賣版Omakase?上水超抵食日式定食店款款外賣限定 專用碗放有蝦茶碗蒸便攜又「靚仔」
老闆娘係姜糖?大角嘴全新兩餸飯店有驚喜 近30款餸任揀三餸飯僅$37!
深水埗黃竹街2間小食店僅幾步之遙 即試黑椒牛漢堡Crossover和牛牛丸
重陽去拜山!上水出發經沙嶺公墓直闖麥景陶碉堡 圓嶺仔一河之隔眺羅湖口岸
旺角鬧市3塊超古老T形街牌探究 快富街/黑布街/奶路臣街成區內碩果僅存舊街道
【野餐隨行】筲箕灣道2間餐廳毗連炸雞店電車站 直闖大浪灣泳灘沖浪勝地野餐
樓上咖啡店自選高水準五品料理!旺角西洋菜南街神秘角落點只賣咖啡綠茶
【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
上水Homy Cafe 9月尾結業 咖哩雞扒香口惹味 上水千萬公廁旁小公園野餐
【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?