家之味+小西灣海濱公園

【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿

小西灣離柴灣有一小段距離,恍如自成一角,但區內食店唔多,就只有寥寥幾間,除咗西式嘅日常小館之外,重有一間家庭式嘅港式小食店,可以拍拖兩個人到海旁角落自製一個港式下午茶,當中雞蛋仔、格仔餅水準不俗。

位於富景商場入口旁邊嘅家之味小食店,以港式小食為主,店面殘舊,門口車仔嘅招牌飯餐字跡與圖片都已經褪色,連頂頭嘅賣點雞翼都無得賣,現時可見只有幾款小食,例如魚蛋、燒賣$7/5粒、腸粉$9/4條、粉果$9/2隻,價錢上適合學生哥,上述都算係不過不失嘅小食,肚餓會食,但唔會專登搵嚟食。另外,一端亦有撈麵、三文治,細心啲會見到以前原來有款叫魚翅撈麵$25,只係已經被劃去,咁而家到底有乜係好食?

要步行至小西灣海濱公園,相信識得去龍躍徑、黑角頭燈塔嘅讀者一定唔陌生,小公園唔等同海濱長廊,只有一個小角落,一端正對海面,可眺望將軍澳工業邨、東龍島、鯉魚門三家村。

海旁的確比較寧靜,令人心曠神怡,但若然想搵位野餐嘅話,海旁附近有一個小涼亭,不過通常都會係阿伯專用,或者放棄海景,稍移玉步到遊樂場一端,正對藍灣半島,嗰邊座椅會比較少人坐,亦更方便大家之後嘅行程。

當中,要選比較出色嘅小食,一定係雞蛋仔$15、夾餅$15,兩者都係本地傳統嘅街頭小食,尤其雞蛋仔可追塑至50年代,最初只係雜貨舖將有裂痕嘅雞蛋自行與麵粉、牛油混合,形成蛋漿,再放入模具,烘焗後就變成粒粒雞蛋仔,雞蛋仔同夾餅分別在於夾餅內有餡料,含有牛奶、煉奶、砂糖、花生醬。夾餅即係格仔餅,只係以一個圓形模具印出一個個格仔,並分成四份,一般格仔餅除咗有麵粉、雞蛋,都會混合淡奶、砂糖,而小店竟然寫明加入牛奶,而非淡奶,到底有咩分別?

格仔餅烤成金黃色,上手時已經對摺成兩個半圓形,並放於小紙袋內,砂糖、煉奶、花生醬夾於中間,一啖入口,格仔餅好鬆軟,麵糊略帶微甜,確實有少少奶香味。而砂糖、花生醬、煉奶份量唔算多,故此唔會太甜膩。

而雞蛋仔烘烤過後,同樣呈金黃色,只不過分別在於呈現蜂巢狀,頂端有塗抹適量牛油,對摺放於小紙袋內。一粒粒雞蛋仔搣開放入口,外脆內軟,表皮香脆,而內裏又有小蛋糕嘅柔軟,細心啲會發現雞蛋仔內一半中空,另一半紮實而有飽滿感,包含軟綿蛋漿,充滿雞蛋香味,令雞蛋仔內唔會太空虛,都算係街坊價錢而做出水準嘅,每一份都係新鮮烘出嚟,唔會預先整好。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 小店離海濱花園只有2至3分鐘步程。

❷ 套餐雙併$23,可以配熱奶茶或咖啡。

❸ 小公園為寵物共享公園。

❹ 唔少人會跨過圍欄走出去亂石邊,我哋就唔建議啦。

EATWO
Miss A

家之味

柴灣小西灣道18號富景商場地下12號舖
小西灣海濱花園
小西灣小西灣道28號

醫吓肚

加藤屋只剩3分店!日式快餐牛肉飯/壽喜燒經營8年 荃灣店結業通知疑透視全線結業?

【#結業通知】加藤屋開業至今達8年,一直為港人提供日式快餐服務,牛肉飯及壽喜燒都係性價比高嘅選擇,平價又有水準。但加藤屋分店愈來愈少,近日連荃灣路德圍店亦宣佈無奈結業,據店內外張貼「結業通知」顯示,荃灣店於2024年2月25日結業,而通知亦疑似透露全線結業。目前分店只剩低3間,想要拍拖兩個人俾最後一分支持,就要趁呢段時間啦!

頂好大光麵 香港茶餐廳美食 香港小店 大光麵茶餐廳名單 光身麵 頂好大光麵銷售點

【區區有小店2024】編輯精選全港11間選用頂好大光麵餐廳!香港製造茶餐廳舊名物瞬間竄紅|附地址名單

【#香港製造】最近分析本地茶餐廳文化嘅電視台ViuTV節目《茶餐廳》重新介紹香港茶餐廳舊有名物「頂好大光麵」,令「頂好大光麵」突然獲帶挈瞬速竄紅,連帶「香港製造」亦獲得關注。想要拍拖兩個人搵吓目前有「頂好大光麵」提供嘅餐廳?雖然官方有公佈全港選用「頂好大光麵」嘅餐廳,但編輯精選推介嘅本地餐廳就只有以下10間,即睇港九新界「頂好大光麵」餐廳一覽!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【#情人節推介】2024年情人節即將來臨,大家拍拖兩個人有咩節目呢?男士們必然忙於搵餐廳、搵食材、搵鮮花、搵禮物;新生代嘅女士們亦有可能化被動為主動﹐為另一半製造驚喜。今次E.A.Two編輯就特別為大家整合2024年情人節推介良心合集,雖然今年提供情人節嘅餐廳及商店唔多,但總算依然可以搜羅得到,即刻睇睇啱你心水嘅小店!

咯咯雞韓食店信譽推薦!2024年全新阿美車仔麵接手炸物可見一斑 出色手打鯪魚肉/秘製牛腩/滷水雞翼

【#全新開業】近年結業潮湧現下,好多餐廳都無奈結業,香港有新餐廳開張嘅情境已經少之又少,想拍拖兩個人搵新餐廳都唔容易。以「咯咯雞 韓食店」為例,該店本來於尖沙嘴、大角嘴都有分店,由外賣做到堂食,結後者今年1月初亦忍唔住結業。不過,該店就推薦接手嘅車仔麵店,或者呢啲位置做街坊平價選擇先有機會有出路。

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}