中菜,  兩個人影吓相,  兩個人醫吓肚,  和你Taste,  野餐隨行

【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足

瀏覽次數: 16
個人瀏覽過





講到沙田瀝源邨,有留意eatwo嘅讀者應該會記得編輯曾經推介過3間瀝源邨內嘅良心小店,拍拖兩個人行到沙田嘅話都可以支持支持,但事實上瀝源邨內重有一間超級秘密嘅小店,比上次介紹嗰3間更值得支持,老闆娘非常熱情,而且出心出力,極有善心,凡事不遺餘力,雖然店舖位於街市內,但你亦可以於街市外邊位置點餐,再自行選擇野餐地點。

位於街市內嘅小店,若然無沙田朋友介紹,大概唔會搵到。站於正門已經能夠直視頂端招牌「蒸糕包」,店名似乎係來自諧音「Jingle Bell」,內裏餐牌全為中式點心、港式小食,擁有嘅係典型小食店氛圍,再細心留意吓,會發現主打嘅應該係蒸點心,因為「蒸糕」、「蒸包」。

餐牌上有套餐,比如套餐A腸粉、燒賣、豆漿,皆屬於港式小食,其他小食包含有柴魚花生粥、七彩炒米粉、豉油皇炒麵、豬手、豬扒、炸雞髀、香滑腸粉、家鄉薄餅、碗仔翅、豆腐花、生炒糯米飯、魚肉燒賣、咖喱魚蛋、雞蛋仔、撈麵,結論係港式小食比中式點心選擇多,都係好Standard嘅貨色。

中式點心嚟講,基本上鮮味粉果、牛肉球,唔通有部份點心係取消咗?牛肉球、粉果質素不俗,牛肉球加添喼汁後令味道提升,至於香滑豆漿似乎係自家磨製,內有豆香,質感柔滑,而最底亦有黃豆碎沉澱,但甜味唔重,都算係清甜,可以解渴。

瀝源邨原址係沙田舊墟,係70年代入伙嘅公共屋邨,都算係舊式屋邨,瀝源本身名稱源由係因為靠近城門河,有指當時河水係清澈嘅,而瀝源街市就有近50年歷史,其後於2018年完成翻新工程,現時係一個有冷氣嘅街市,但面積唔大,總算仍有舊時嘅樸素感覺。最值得留意嘅係,英國王儲查理斯王子於開幕嘅時候曾經到訪瀝源街市,從細微嘅地方可以見到港英政府對民生方面嘅重視程度。

其中,重慶雲吞麵$33 都算係港式mix中式嘅菜式,以雲吞麵加上自家製辣椒油,整體變得惹味。雲吞餡料充足,有豬肉、冬菇絲等,內裏亦有其他餡料,似自己包嘅雲吞,值得一試。每碗麵有好幾隻,麵底一般,淨食雲吞都夠,辣椒油係自己炒香嘅類別,香味十足,辣油唔算明辣,而係暗地裏漸漸帶上辣味,甚為狡猾。




E.A.Tips﹕

❶ 小店位於瀝源街市內,正門左邊數第二間舖就係,門口一定見到。

❷ 可以喺後門叫嘢食都OK。

❸ 店內有自家製辣椒油$68/樽,香辣味重,味道的確係真自製。

❹ 小店不時有唔同產品售賣,例如最近嘅端午節會有糭,編輯上次喺呢間店亦買過一款叫和秋嘅台灣鴨血,辛辣味溫和而惹味,的確一試愛上。

❺ 雲吞可以單買,然後自己拎返屋企煮,$27/碗已煮嘅淨雲吞,$50有20隻生雲吞。

❸ 野餐時,自己垃圾謹記自己帶走!

❹ 野餐要盡量使用可循環再用之餐具器皿。

❺ 可以挑選有長櫈嘅地方,會較方便。

❻ 有需要可自備小餐枱、小型露營櫈用餐,可以隨時去到邊食到邊。

❼ 野餐時正對海景用餐會比較Chill。

❽ 最好挑選較少人嘅地方,避免接觸人群。

❾ 野餐地同食肆最好距離不足15分鐘步程,以免食物及熱飲冷卻,有需要就自備保溫袋。

❿ 野餐時最好唔好完全除晒口罩,拉低口罩用餐時一定要拎住食物或飲品。


蒸糕包

  • 沙田瀝源街市015號舖
  • 06:00 – 18:00
  • 電話

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


旺角$48越南版海南雞飯 同價海量湯粉似足二人份量
【野餐隨行】慈雲山8月新店外賣自取平過堂食 肉醬意粉多料到滿瀉套餐$40有找 公園自製High Table歎高汁炸雞/Pizza
一餐麻甩與斯文兼備!元朗隱藏版料理店躲藏小巷賣日本魚生飯 與潮州滷味店僅相隔15秒步程
西貢林蔭秘道登小堤壩眺榕樹澳漁排 水浪窩闖企嶺下賞紅樹林尋港英時代郵箱
香港西端舂坎角泳灘賞絕美夕陽餘暉 海水清澈見底完勝赤柱沙灘 西環兒時回憶傳統餅店月餅預告【野餐隨行】
香港仔偽築地帆船野餐有遮蔭 鯨魚主題小店賣魚市場直送龍躉漢堡 揭人氣日本餐廳5大問題疑不尊重客人【野餐隨行】
【野餐隨行】長洲掃街掃盡6間小店!小島必揀經典魚湯/魚燒/大魚蛋 北端沙灘海旁自製迷你Party
【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛