麵匠風龍
兩個人醫吓肚,  和你Taste,  日本菜

只有兩款可擇!灣仔拉麵店位處鬧市 麵匠風龍師承日本質素如何?

瀏覽次數:473
個人瀏覽過





喺禁堂食之前,拉麵呢個類別絕對要食得一碗得一碗,係一種難以選擇外賣嘅菜式,灣仔有一間拉麵店,地段雖為灣仔鬧市,但價錢並唔算太高,可以拍拖兩個人去試一試。

灣仔呢間拉麵店位處軒尼詩道,一直與港人同行,店內拉麵就只有兩款,包含豚骨湯拉麵、蝦味噌拉麵,兩者價相只相距$10;而小食亦只有三款,當中有日式餃子、芥辣蝦沙律、小龍蝦蟹籽沙律,每一款小食都係$35。室內以吧枱設計,每位客人都可以正對廚房,據稱拉麵師傅係師承日本拉麵店。

店內每個座位有浮冰嘅冰水、冰麥茶,方便自行倒出,點選拉麵之後,可以先飲杯冰麥茶,然後就可以嘗試兩款拉麵。兩款拉麵湯底雖然唔同,但都同樣有兩塊叉燒、一隻半熟玉子、一塊紫菜,叉燒為煎製,並非火炙或烤製,所以入口較為油膩,欠缺焦香味,肉質亦較嚡口,缺少鬆軟感,較薄身但難咬開,容易覺得滯。而半熟玉子全隻上枱,滷得入味,醬油包裹全隻玉子,蛋黃呈膏狀,有蛋香,而且有少少流心,較叉燒可取。

豚骨湯拉麵$75 湯底呈乳白色,配料有蔥花、爽脆木耳絲,色調較平淡,湯頭入口亦較清淡,有微微豚骨湯味,並非濃稠,幾順口,都算可以掛湯,反而似九洲拉麵嘅感覺。麵條軟硬度適中,為幼身狀態,質素中庸,略有咬口。

蝦味噌拉麵$85 內有大量櫻花蝦,亦有香甜粟米、蔥花,色調相對搶眼,味噌淺黃色配上樓花蝦淡粉紅色,再加上蔥花、粟米,色澤紅黃綠齊備。加入蝦湯之後,較普通豚骨湯稍重味,但都算不過不失,蝦湯為樓花蝦,啖啖麵條夾雜酥脆蝦乾,增添層次,略帶鹹香味,只係非鮮蝦湯。

日式餃子有四隻,餃子皮薄,煎起嚟唔算特別脆,內餡為蔬菜,幾juicy,配搭餃子汁幾出色,質素係合格有餘。至於芥辣蝦沙律則為推介,以生蝦混合芥未,底下以椰菜絲墊底,每粒蝦肉都夠爽口彈牙,而芥末又唔會太重味,亦唔算辣,只係輕微帶上芥末香,感覺清新,食完拉麵同叉燒後可以解解膩。




E.A.Tips﹕

❷ 拉麵只有兩款,都可以點套餐,而小食只有三款。

❸ 店內無加一服務費。

❹ 溏心蛋加$10會多一顆。

❺ 室內只有吧枱,座位唔算多,中午時份人多可能要等候。

❻ 座位後面牆身可用作掛起衣物或隨身袋。

❼ 枱面有辣芽菜、蒜泥、芝麻可以自行加添。






麵匠風龍

  • 灣仔軒尼詩道184號地下
  • 12:00 – 22:30
  • 3905 4839

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足