芝C Sushi
兩個人醫吓肚,  和你Taste,  日本菜

新蒲崗平民價錢壽司卷物件件「芝」味濃!兩重三重芝士任揀邪惡滿分

瀏覽次數:447
個人瀏覽過





由大角嘴搬到藍田,從藍田開到屯門,半年前再於新蒲崗開設分店,以芝士為主打嘅壽司店芝C Sushi仍舊保持水準,每件壽司加上芝士後變得邪惡無比,兩重芝士、三重芝士底下更加惹味非常,最難得係價錢上仍然維持偏低水平,芝士迷情侶既可堂食,拍拖兩個人買去野餐亦可。

如果有留意開eatwo嘅朋友,一定會認識呢間以芝味壽司為主嘅日式料理店,店舖最初只係位處大角嘴一隅,僅提供外賣,後來搬到藍田匯景商場,及後又於屯門開設堂食店芝味屋,近月再於新蒲崗以正名芝C Sushi開設堂食分店。

店內有壽司、卷物、刺身、丼飯、便當、小食,每一件價錢均為偏低水平,招牌作有包含三重芝士嘅芝C卷汁燒厚燒玉子芝味三文魚腩刺身黑松露汁燒吉列蝦卷等,大多魚生都夠新鮮肥美,的確係平價執司卷物之選。

三文魚壽司卷好多人都食過,但配搭雙重芝士系列嘅芝士三文魚卷二重奏$31就比較罕見,內餡為三文魚粒、水牛芝士粒,卷物頂端有兩種芝士,包括忌廉芝士、普通芝士,將香濃芝士配搭清爽有魚油香嘅三文魚壽司,清甜中略帶肥美嘅三文魚中夾雜芝士濃濃鹹香味,兩者同時放入口中,入口即溶,啖啖邪惡滿分,甚為滿足。

更值得讚賞係每一份壽司卷物擺盤一流,整齊之餘亦增強美觀度。火炙芝士系列選擇有火炙芝C炸蝦卷$28,頂端同樣有一層芝士,不過芝士表層就經過火炙過程,芝士被火槍烤過,表面微焦,而卷物內炸蝦則脆卜卜,

多款手卷都包含芝士,其中芝味帶子手卷$24 同早期嘅手卷相似,包手卷方式相當獨特,有別於坊間只有頂端有餸,反而每一支手卷都係食到最底都係餸,帶子刺身平均分佈,唔會食到底只有白飯,而壽司飯微黏,並非乾身,飯粒為珍珠米。想矜貴少少有加拿大海膽壽司,每件$20,海膽肥美,質感爽身,入口鮮甜。

除咗壽司、手卷,亦有反卷供應,當中炸軟殼蟹反卷$28/4件都係幾受歡迎嘅款式,內餡為炸得微脆嘅軟殼蟹肉,以反卷形式包裹,飯粒唔會鬆散,咬入口亦唔會重油份,反而增添層次感,不過就略嫌軟殼蟹表皮唔夠香脆。




E.A.Tips﹕

❶ 店舖位處新蒲崗廣場右邊,離Mikiki商場僅5分鐘步程。

❷ 只需用QR Code落單就得。

❸ 可以預先點餐,然後外賣自取。

❹ 店內有唔少Mirror卡可以攞。

❺ 綠茶可以無限添飲。

芝C Sushi

  • 新蒲崗崇齡街33號新蒲崗廣場地下57A3號舖
  • 星期一全日休息;星期二至日11:00 – 16:00、18:00 – 21:00;公眾假期11:00 – 16:00、18:00 – 21:00;公眾假期前夕11:00 – 16:00、18:00 – 21:00
  • 4622 2019

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足