峰G館

出名食沙嗲!筲箕灣東大街一隅街坊小館 吉豬炸髀香脆可口隨時Encore

筲箕灣東大街向來出名係區內美食天堂,但事實上成條街真正可以品嚐嘅餐廳小店唔多,只有寥寥幾間,能夠脫穎而出嘅係編輯曾到訪嘅一間高水準泰國菜館,今次行過少少,前往東大街最末端一間靠沙嗲受到歡迎嘅街坊小館,但除咗沙嗲重有咩值得拍拖兩個人去食呢?

小店曾一度因沙嗲牛肉關注組而備受留意,餐牌中可見芝士沙嗲牛肉焗豬仔包、沙嗲牛肉煎蛋飯、沙嗲牛肉麵,都為沙嗲牛肉為主嘅菜式,比較少見嘅係沙嗲牛肉豬仔包,沙嗲餡料混合邪惡芝士,係幾有新鮮感嘅,不過既然講到爛就無謂再講啦,不如睇吓有無咩其他嘢食好過啦。

細看餐牌,會發現小店貌似一間將西式同港式菜式二合為一嘅西式茶記,雖然室內設計似足一間懷舊冰室,但菜式上既有西式扒餐、羅宋湯,亦有港式常餐、快餐、早餐,店員稱冬蔭功、黑松露炒蛋、咖哩飯等都係受街坊歡迎嘅菜式。

同沙嗲比較都唔輸蝕嘅有咖哩吉列巨型豬扒蛋包飯$78,飯量充足,吉列豬扒平舖飯面,豬扒旁邊有西式雜菜,以下躲藏被滑蛋包裹嘅白飯,咖哩汁再淋上蛋包飯表面。炒蛋滑溜,咖哩微甜,狀似日式咖哩,口味獨特,有少少香料味,咖哩味適中,唔會過份搶鏡,質地比平常略稀,蛋包飯帶咖哩香氣,吉列豬扒香脆可口,而且夠厚肉,有啖啖肉感覺,配上咖哩汁更香,只係略嫌豬扒肉質唔夠鬆軟。

套餐可以$8加配足料香濃羅宋湯,絕對係睇少咗嘅地方,羅宋湯材料豐富,雜菜、牛肉、鮮茄、茄膏等都足夠,味道香濃,酸中帶微甜,配料充足底下,湯亦唔會淡身。

炸雞脾(髀)牛油多士配火腿蛋通$58,原本以為火腿蛋通粉同坊間茶餐廳相類似,但原來湯底都唔迤,並非濃湯寶之類快速湯底,有啖啖牛乳香味,似乎有特別調校過。煎蛋亦為太陽蛋,無燶邊,蛋黃圓潤飽滿,唔會咁易穿,方便一啖放入口。

雞髀與多士各佔半隻碟,多士為厚身麵包,塗滿牛油,烤焗過後暖笠笠,啖啖都有牛油香,邊位微脆,麵包鬆軟。而炸雞髀等待時間比較長,似乎係即叫即炸,上枱時熱焫焫,雞髀為生炸雞髀,並非脆炸雞髀,表皮炸成金黃色,雞皮微脆,雞肉未至於好軟嫩,但唔乾柴,略有肉汁,重點係並非好油膩,但有港式生炸雞髀風味。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 巴士路線118,720,82X,X8可到達筲箕灣。

❷ 店舖位置於東大街最末端,近香港海防博物館海旁方向。

EATWO
Miss A

峰G館

筲箕灣筲箕灣東大街4-10號東寶大廈地下3D號舖
07:00 – 18:00
2348 6988

醫吓肚

【區區有小店2024】上水4間尚存本土餐廳推介!醉雞湯麵/親民日式定食/泰式車仔麵|上水美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年上水區尚存嘅餐廳小店,即睇該區隱藏美食介紹!

【區區有小店2024】太和3間尚存本土餐廳推介!黃金炸髀/海南雞飯/意式茶記|太和美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年太和區尚存嘅餐廳小店,即睇該區隱藏美食介紹!

【區區有小店2024】牛頭角8間尚存本土餐廳推介!榻榻米Cafe/老牌上海菜/工廠食堂|牛頭角美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年牛頭角區尚存嘅餐廳小店,即睇該區隱藏美食介紹!

【區區有小店2024】旺角52間尚存本土餐廳推介!民族風Cafe/燒肉放題/排隊拉麵|旺角美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年旺角區尚存嘅餐廳小店,即睇該區隱藏美食介紹!

【區區有小店2024】太子19間尚存本土餐廳推介!平民法餐/沙嗲牛包/人氣叉蛋飯|太子美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年太子區尚存嘅餐廳小店,即睇該區隱藏美食介紹!

【區區有小店2024】大角嘴34間尚存本土餐廳推介!隱藏雞湯麵/超濃叻沙/鮮甜豬骨煲|大角嘴美食推薦2024

【#區區有良心】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年大角嘴區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}