【陰天好去處】流水響水塘落羽松翡翠之鏡紅紅綠綠 九龍坑山軍路尋路邊哨站古老大宅

【陰天好去處】流水響水塘落羽松翡翠之鏡紅紅綠綠 九龍坑山軍路尋路邊哨站古老大宅

流水響水塘天然嘅水中倒影一直吸引唔少人慕名而至,山水一色畫面一度版封為「港版輕井澤」,加上秋冬出現落羽松靚景,令畫面變得紅紅綠綠,有人會稱該倒影為「天空之鏡」,編輯反而想叫呢個畫面做「翡翠之鏡」,而由水塘穿過郊遊徑,可以找尋隱藏於路邊嘅英軍哨站,經過古老大宅,全程非常好走,係拍拖兩個人嘅陰天好去處之一。

由粉嶺市中心起步,乘搭小巴路線可直達流水響水塘,亦可以於總站鶴藪營地落車,先遊覽鶴藪水塘,再折返流水響水塘,只需沿瀝青路走,路段清晰。整個水塘位處山谷,地理上喺龍山、石坳山之間,陰天或微雨時人流會比較少,沿途一直可聽見流水潺潺嘅聲音,望見綠意盎然嘅畫面,環境清幽寧靜。

事實上,水塘本身係用作水源收集、灌溉農地,即係灌溉水塘,受益地方係流水響、布格仔、虎地排農田,而水塘位處八仙嶺郊野公園內,後來被行山人士發掘出「天空之鏡」完美倒影,水塘深而碧綠,先被稱為「香港小桂林」,後來加上落羽松風景,又被稱為「港版輕井澤」,令更多人洶湧而至。

經過閘口後前往公廁分岔路口,水塘一端盡頭為水務署集水區灌溉設施,所以基本只有左邊一條路,流水響郊遊徑起點為落羽松對岸,燒烤場彼岸完美展現落羽松水中樹木倒影,流水響本身樹木品種豐富,包含白千層、落羽松、楓香、百花魚藤,即使缺乏藍天白雲,流水淙淙,樹葉微微搖曳,塘畔亦相當有詩情畫意,難怪一度為野餐地。

流水響水塘只係BB級行山徑,前行至流水橋,轉入即可近距離觀賞落羽松,附近有人稱落羽松為「紅樹」,皆因樹上確實生長片片紅葉,每逢冬日都被綠轉成橙黃色,遠睇為橘紅色,伴隨黃葉色彩仍舊出眾,構成紅噹噹「紅樹」畫面,人就如同螞蟻搶食蜜糖一樣,急不及待捕捉落羽松紅葉。

折返流水橋,繼續前行至流水響郊遊徑,一直穿過連綿樹蔭路段,山路寬闊,經過營地之後,走至分岔路口,一端可繼續上行至九龍坑山,另一端則為大埔公路方向。如果天氣許可,不妨攀登較高海拔嘅九龍坑山,但即使轉右亦有風景,沿途可眺望太和、吐露港、大埔康樂園、林村、馬鞍山等地,能見度高嘅話可望大帽山。

來往大埔公路至流水響山路如同英軍軍事路段,呢段九龍坑山軍路雖被建為瀝青路,但路段已經逐漸破爛。被流水響郊遊徑下行至大埔公路,中途可見軍事遺跡,包括一個又一個哨站,係二戰時期遺留嘅英軍防守設施,路邊基本只有哨站,而軍營、石碑就要登山先有。

於英軍軍路直行到底就係九龍坑村,分為老圍、新圍 ,會經過一座保存完好嘅古老大宅,純白色外牆嘅古屋其實住一座戰前大宅,曾經常為電影及電視劇取景地,亦曾被列為香港三級歷史建築物。位處九龍坑嘅大宅名為「浩然廬」,建於1932年,由潘氏興建,從外觀望可見大宅樓高兩層,外連大花園,揉合中式與西式風格,不至於太古老,反而有幾分近代感,而現時就略帶殘舊感。大宅現為私人住宅,有人居住,所以一般人唔可以入來探索,只能於門外遠距離窺視。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 由粉嶺名都對出小巴總站乘搭小巴路線52B,於八仙嶺郊野公園路牌前落車,轉右走5分鐘就到流水響水塘,如果直搭小巴到總站,就會到鶴藪。而於流水響水塘迴旋處落車,位置近流水響道、鶴藪道交匯處,車程約30分鐘。

❷ 基本上9成路段都係瀝青路,容易步行,陰天可以步行全程,而微雨亦可以只前往流水響水塘,大雨就當然避免行山啦!

❸ 謹記帶備足夠糧水,中途無補給點。

❹ 小巴路線25B可來往九龍坑村至大埔、太和方向,總站位處大埔墟寶鄉街,經太和廣場,車程約20分鐘。

❺ 謹記自己垃圾自己帶走。

❻ 流水響水塘又叫流水嚮水塘;而藪雖然英文係Tau,但鶴藪讀音係讀「學」「守」。

EATWO
Miss A

流水響水塘

新界北區及大埔區粉嶺
24hours

英軍(哨站)

八仙嶺