九龍,  兩個人影吓相,  兩個人醫吓肚,  和你Taste,  新界,  港島,  限定活動

行到2022年!驚現全Mirror市集!搜羅九龍區5個本土聖誕市集2021 善用黃色裝飾佈置家居

瀏覽次數:1095
個人瀏覽過





聖誕即將來臨,重未諗到拍拖兩個人去邊好?其實,今年都有好幾個聖誕跨年市集,分佈全港,今次前往九龍區搵吓聖誕市集,大多離鬧市不遠,交通方便,編輯先搜羅5個同路人嘅聖誕市集,可以由聖誕行到跨年㗎!

(1)荔枝角﹕D2 Place

第一個聖誕市集當年係最為人熟悉嘅荔枝角D2 Place市集,今年年尾會有一個名為「白紙市集 x MR.LLH – Hello 2022!跨年市集」,由白紙市集聯乘MR.LLH,而聖誕期間亦同平常週末一樣有市集,包括12月18至19日嘅「聖誕大笪地」、12月23至27日嘅「尋找聖誕老人主題市集 Life Mart x Blue Mart」,至於跨年市集就於12月31日至2022年1月2日舉行。另外12月31日同時有天台花火音樂會除夕篇,當日可以一邊聽歌一邊倒數,詳情可參考IG@whitemarkethk

白紙市集 x MR.LLH – Hello 2022!跨年市集

  • 荔枝角長義街9號 D2 Place 一期 2/F (The Space)
  • 2021年12月31日 15:00-21:00、2022年1月1日至1月2日 13:00-20:00

(2)大角嘴﹕利奧坊

第二個係比較少人留意嘅商場,位處大角嘴利奧坊,以「傳統 x 新造 佛系聖誕市集」為題,電梯頂端可前往左右兩邊,皆為市集攤檔,市集於12月18日至12月19日、12月25至12月27日舉行。市集內以傳統手藝配搭新式時尚設計手作,配搭聖誕概念,左邊檔口會比較多,右邊則有少量檔口,大多以環保潮物為主,而右邊則有小型舞台同「佛系發呆區」,內有豆袋梳化可以打吓卡,打造「Me Time Zone」,而部份攤位更可自由定價,更有禮品區域。至於聖誕期間,12月25至12月27日下午3至4點更有「佛系環保擊樂匯演」,詳情請參考IG@hksquaremile

Square Mile 市集

  • 大角嘴利得街11號Square Mile 利奧坊1/F
  • 2021年12月18至12月19日、12月25日至12月27日 12:30-20:30

(3)旺角﹕T.O.P商場

第三個係離上述大角嘴市集不遠嘅有旺角This is Our Place – T.O.P.商場3樓「聖誕狂歡市集」,以「From New York to Hong Kong」為題,由T.O.P與來自紐約設計界嘅Wade and Leta聯乘,於12月24日至12月27日聖誕期間舉行市集活動,直到2022年1月23日,揉合藝術與聖誕元素,帶有藝文氣息。據悉,屆時會有4米高「幻象聖誕空中吊飾」藝術裝置、天台AR模式嘅「視覺衝擊遊樂園」、3米闊「紐約地標浮雕牆」,4樓更會有「視覺藝術廊」,詳情請參考IG@topmongkok

聖誕狂歡市集

  • 旺角T.O.P商場 3/F
  • 2021年12月24日至12月27日、至2022年1月23日 13:00-20:00

(4)尖沙嘴﹕Cantonyama

第四個係最鮮為人知而又最吸睛嘅一個市集,位置為尖沙嘴廣東道,原為一個死場,現時商場以廣東捌拾命名,商場英文名為Cantonyama,而今次限定市集則由12月15日開放至12月27日。先講1樓,內有一個懷舊市集,以竹棚街設計,於今年5月已經開幕,內裏更有3間以外賣為主嘅同路人小店,包括德國熱狗、茶匠、長洲角酪,室內則以懷舊冰室設計,方便客人坐低休息或打卡,而背後更有一系列本土舊街景牆身,連已經清拆嘅皇后碼頭都有!而3樓則為一間劇本殺體驗館,不過現時同時係洗手間嘅地方。至於Cantonyama最特別之處並非限於懷舊市集同小店,最吸睛嘅反而係2樓嘅限定市集,位置靠近Mini Mart日式超市,該超市產品豐富,包含食品區、美妝區、保健區,更有酒品區。而同層聖誕限定市集則以「Mirror嘉年華之禮物大放送」為題,顧名思議包含大量人氣組合Mirror、Error嘅打卡位、商品、應援物,適逢聖誕期間,更有聖誕卡、禮盒,絕對係鏡粉、404粉必去地方!詳情請參考IG@cantonyama

FA Xmas Market

  • 尖沙嘴廣東道80號 Cantonyama 二樓 廣東捌拾
  • 2021年12月15日至12月27日 12:00-19:00

(5)尖沙嘴﹕K11

而第五個就係位於尖沙嘴K11購物藝術館嘅「Christmas Pop-up」雖然只限於1樓至2樓商場走廊,但就橫跨5個星期,由11月27日至2022年1月2日舉行,聖誕期間則於12月24至27日開放,其餘日子均為星期六及日。K11商場內攤位通通靠近兩層玻璃同電梯位置,包括各文創手作品,以芬蘭聖誕為主題嘅市集,另有名為「白紙市集 X傭仔日記 – 勿演出走記 芬蘭篇聖誕主題市集」為題,係一個聖誕Pop-Up嘅小型市集,詳情請參考IG@k11artmall

FA K11 X’mas Pop-up

  • 尖沙嘴K11購物藝術館1樓走廊、2樓走廊
  • 2021年11月27日至28日、12月4至5日、12月11至12日、12月18至19日、12月24至27日、12月31日、2022年1月1至2日 12:00-21:00
  • 以上活動資料以主辦方公佈為實,活動最新情況資料如有更改,可聯絡主辦方查詢。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


長假期後人氣熱點頓變空蕩蕩巨石陣 30分鐘從炮台山日式庭園登北角後山新手路線紅香爐峰
【野餐隨行】鰂魚涌香港人高水準兩餸飯最平$32 闖北角清靜海邊公園野餐近汽車渡輪碼頭
新田加州花園保留罕見赤紅色殖民時代電話亭 英式小庭園探索圓柱形皇冠郵筒/貴族風時鐘
【野餐隨行】黃大仙近30年騎呢《西遊記》公園野餐 本土自家製熱狗店推分店限定優惠
大圍舊式茶樓客香邨現已恢復24小時營業 火鍋店616班底接手保留經典糯米包/魚翅餃
非來自台灣?本土製牛肉麵旺角/長沙灣有得食 外賣自取折後$50有找
近屯門碼頭!屯門蝴蝶灣泰國冬蔭功蝦湯奶白變橙紅 估吓一碗有幾多隻蝦?
鑽石山出發勇闖石礦場!山中秘道探索高聳東南亞樹屋 上中下三條路線直抵城市後山入口
【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯
太子人氣車仔麵湯底鹵汁混腩汁 16款麵底任揀必試低卡蒟蒻麵
薄扶林榕樹小徑驚現獨特樹洞仙境!一條路線走過殖民建築玫瑰邨+歷史古蹟伯大尼教堂/舊牛奶公司牧場
「食街」搵食遊!西貢巷弄7間夏日必去本土小食店 離碼頭僅2分鐘步程
全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)
近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】
【野餐隨行】鴨脷洲海邊歎有料車仔麵 前臨南區純白燈塔眺東博寮海峽3支煙囪 30分鐘輕鬆走完小玉桂山
月前旺角設分店齊齊叫雞!上水鳳鳴居足料無味精雞湯麵濃郁可口 醉雞嫩滑+10款湯底回頭率極高