金山﹕九龍水塘+石梨貝水塘+金狹徑+金石徑
兩個人影吓相,  新界,  神秘之地

馬騮群躲藏金石徑引水道?荔枝角出發遊金山 金狹徑回望石梨貝水塘眺維港

瀏覽次數:241
個人瀏覽過





金山、菠蘿壩、城門水塘都係一道非常熱門嘅行山郊遊路線,大多只需走瀝青路,平坦而輕鬆,當中撇開城門水塘,金山郊野公園內就有四個水塘,都係受歡迎嘅路段,今次編輯就帶大家由荔枝角出發,穿過小路上行至水塘,再找尋水塘背後秘道,從高點回望水塘,亦可以拍拖兩個人前行至觀賞夕陽之處,更意外嘅地方係,原來目前大多馬騮並非聚集於水塘附近,而係引水道!

由荔枝角四喜麵包西餅出發,由福華街轉入永康街,於明愛醫院左邊小樓梯上行,經過天主教南華中學,直上永德道,循明愛醫院背後小路走,上行至呈祥道,穿過天橋直達對面佛堂方向。位置有元清閣、紫陽洞佛堂,路段會經過福德念佛社涼亭,沿途可見歷史悠久嘅廟宇,亦可回望荔枝角風景,不過編輯無意深究廟宇,所以只當作路標,依小樓梯上行可以直接前往大埔道。

荔枝角 金山 金狹徑 金石徑【點擊路線影片】

沿大埔道上行,可以遊走幾個山峰路點,右邊有尖山、鷹巢山、麥理浩徑,而左邊則有被稱為馬騮山嘅金山、石梨貝水塘、九龍接收水塘、九龍副水塘、九龍水塘,甚至可通往城門水塘。先由九龍水塘出發步入金山路,進入金山郊野公園範圍,而金山多年來不時有獼猴出沒,所以被稱為馬騮山,故水塘附近不時可見獼猴蹤跡。

於石梨具水塘入口繼續上行,可以先前往九龍水塘,而水塘入口對面則為獅子山郊野公園入口,馬騮山對面就係獅子山。步入1910年建成嘅九龍水塘,位置靠近針山、畢架山,水塘由英國建設,內有界石,堤壩設計成孤形,呈彎曲狀,並以石建造,而主壩、主壩水掣房、溢洪壩、溢洪壩記錄儀器房、記錄儀器房五座建設局皆被已經列為香港法定古蹟。

九龍水塘內有數隻獼猴跑跑跳跳,一直於金山落地山根,水塘基本連接金山家樂徑、金山樹木研習徑,可以折返石梨貝水塘、九龍接收水塘,甚至前往電視廣播訊號發射站、城門狹、城門水塘。由金山家樂徑前行,走上支路,可快速前往1923年興建嘅石梨貝水塘,該水塘被歸類為九龍水塘族群之一。

石梨貝水塘為舊時唔少小學遠足旅行必到之處,同一位置可見起點、終點指示牌,顯然可輕鬆圍繞一圈而走,而水塘湖面翠綠,水平如鏡,波光粼粼,容易探視光影美景,路面寬闊易行,遍佈樹蔭,甚至可見竹林隧道,毋須遠走西貢茅坪。不過,現時水塘有多道支路,其中一段被稱為金狹徑,簡單而言,金狹徑即金山與城門狹之路徑。

金狹徑入口位處石梨貝水塘背後,屬一道分支路段,於Google Map並無顯示,但現場支路又清晰可見,毋須爆林。一直走到金狹徑頂端平台,離石梨貝水塘有一段小距離,如同山坳,水塘標高處海拔高度約有220米,平台可能高約一倍。於平台頂端可以回望石梨具水塘風景,下瞰長沙灣等九龍一帶,亦可遠眺維港兩岸風光,甚至可見灣仔會展等建築物,或者中環IFC等著名高樓大廈。

繼續前行,可以接駁金石徑,顧名思議係金山與石蘺合稱嘅路徑,可從金山下行至石蘺邨離開,從下行梯級路段可俯視山下荔景、葵涌、石蘺密密麻麻嘅樓景,樓梯左方可觀賞夕陽景色,一條路線下行至涼亭後,轉右可通往金石徑引水道,最後穿過供奉齊天大聖嘅白雲洞、七聖宮、淳風仙觀就可以到山腳石蘺天主教小學、石蘺邨。

獼猴數目從來無減少,由呈祥道至大埔道開始已逐漸可見其蹤影,直到此路未段金石徑引水道,會發現大多數獼猴現時躲藏於引水道中。只要唔好騷擾或理會獼猴,基本可以安全地直接穿過獼猴群,只係手中唔可以拎起任何物件。多得以往路過嘅遊客餵食獼猴,令獼猴對人類唔再怕,甚至搶掠人類手中食物或財物,以致向人類攻擊,但獼猴總比野豬幸運,未有被漁護處盡滅絕。不過,現時於金山所見,唔少獼猴均手腳傷殘,未知係獼猴之間打鬥所傷,抑或係人為造成。




E.A.Tips :

❶ 由荔枝角出發,穿過明愛醫院旁邊小路,經呈祥道佛堂上行至大埔道,繼續上行即可到達金山郊野公園入口。

❷ 乘搭巴士路線81、72,可直接於石梨貝水塘下車。

❸金山嘅馬騮數目眾多,而且唔怕人,要小心被馬騮搶去身上財物、食物。

❹ 切勿餵飼馬騮,令馬騮對人類依賴,要避免於馬騮前進食,唔好同馬騮對望,亦唔好向馬騮投擲物件。

❺ 如要經過馬騮群,只需靜悄悄緩緩步行,盡量避免接觸,免生意外。

❻ 上山記得帶備足夠糧水,中途無補給點,亦做足防曬措施。

❼ 水塘背後路段稍有崎嶇不平,要小心安全。

❽ 石梨貝水塘背後路段為金峽徑,於Google Map上其實並無顯示,路段實際上卻又清晰可見,為其中一段連接金山至城門峽小路。

❾ 金石徑其實係連接金山可石蘺嘅路段,臨近山腳會發現引水道內有馬騮群,大多遷移至此處。

金山郊野公園

  • 九龍西北部伸延至新界西南部
  • 24hours
  • 2708 8885

石梨貝水塘

  • 金山郊野公園
  • 24hours

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


長假期後人氣熱點頓變空蕩蕩巨石陣 30分鐘從炮台山日式庭園登北角後山新手路線紅香爐峰
【野餐隨行】鰂魚涌香港人高水準兩餸飯最平$32 闖北角清靜海邊公園野餐近汽車渡輪碼頭
新田加州花園保留罕見赤紅色殖民時代電話亭 英式小庭園探索圓柱形皇冠郵筒/貴族風時鐘
【野餐隨行】黃大仙近30年騎呢《西遊記》公園野餐 本土自家製熱狗店推分店限定優惠
大圍舊式茶樓客香邨現已恢復24小時營業 火鍋店616班底接手保留經典糯米包/魚翅餃
非來自台灣?本土製牛肉麵旺角/長沙灣有得食 外賣自取折後$50有找
近屯門碼頭!屯門蝴蝶灣泰國冬蔭功蝦湯奶白變橙紅 估吓一碗有幾多隻蝦?
鑽石山出發勇闖石礦場!山中秘道探索高聳東南亞樹屋 上中下三條路線直抵城市後山入口
【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯
太子人氣車仔麵湯底鹵汁混腩汁 16款麵底任揀必試低卡蒟蒻麵
薄扶林榕樹小徑驚現獨特樹洞仙境!一條路線走過殖民建築玫瑰邨+歷史古蹟伯大尼教堂/舊牛奶公司牧場
「食街」搵食遊!西貢巷弄7間夏日必去本土小食店 離碼頭僅2分鐘步程
全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)
近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】
【野餐隨行】鴨脷洲海邊歎有料車仔麵 前臨南區純白燈塔眺東博寮海峽3支煙囪 30分鐘輕鬆走完小玉桂山
月前旺角設分店齊齊叫雞!上水鳳鳴居足料無味精雞湯麵濃郁可口 醉雞嫩滑+10款湯底回頭率極高