4個 賞楓靚景地 最真實情況
兩個人影吓相,  新界

【賞楓懶人包】元朗大棠楓香林兼睇芒草 4個楓葉靚景地最真實情況

瀏覽次數: 54
個人瀏覽過





由10月、11月起,提到秋冬賞楓好地方,唔少人第一時間會諗到元朗大棠,的確大棠種滿楓葉,如同一道經葉隧道,不過人流實在太多,反而其他地方人群相對較少,可以更舒適地拍拖兩個人賞楓,今次編輯一連遊走4個楓葉靚景地,將4個最真實情況一一呈現。

(1)元朗大棠

位處大欖郊野公園內嘅元朗大棠,近元朗市中心南端,每逢秋冬時份都出現茂盛紅葉,逐步由綠轉黃,然後從黃再轉紅,吸引唔少攝影發燒友及打卡人士前往取景,甚至一度被封為港版輕井澤。大棠內楓香為4個賞楓勝地當中數目最多,整段路都遍及楓香,非常壯觀!

雖然大棠係4個地方中唯一需要走上山嘅楓香林,但反而係最人來人往嘅一處,即使編輯於平日前往實地印證,仍然難以避免碰到人山人海嘅情況。整段路都有人企埋棵樹隔離打卡,不過要捕捉紅葉最美畫面,就需要多花時間。

元朗大棠係唯一獲漁護處公佈紅葉指數嘅楓香林,所謂紅葉指數,就即係楓葉轉紅嘅程度,由A到D分成4級,D級代表最低級嘅綠色,C級就代表已逐步轉黃,而B級就代表開始轉紅,至於A級就代表最高級,即楓葉已經到達極紅狀態,顯現秋意極濃。

楓香於秋冬乾燥而寒冷嘅天氣下,加上強光照射會逐步轉紅,因為當中冷風同陽光不單有助葉綠素分解,亦可為葉細胞產生紅色花式素苔,以致楓葉轉黃又轉紅,只要天氣愈冷、陽光愈充沛,楓葉就會紅上加紅。

由於位處山上,故此除咗紅葉,其實大棠亦可以同時觀賞芒草風景,而黃昏時份芒草背後配合溫暖陽光會更璀璨亮麗,芒草事實上只係生長於小山邊,事實上毋須拉扯芒草,亦可以拍攝靚相,謹記影芒草同影紅葉一樣,眼看手勿動!

(2)青衣公園

另一個同樣較多人前往嘅賞楓熱點係青衣公園,未前往之前總認為必定又係遍佈楓香嘅公園,但現場所見,其實楓香只位處小沙丘,僅有寥寥幾棵,即使有一兩棵非常高大,但就離地面太遠,亦唔算太茂密,至於較矮少嘅一棵則欠缺楓香嘅韻味,各棵背景皆為樓景,環境上較為遜色。

延伸閱讀﹕帶你睇青衣楓葉真實情況!藍澄灣出發走南端秘道 小堤壩低攝昂船洲大橋賞藍巴勒海峽

(3)大埔烏蛟騰

第3個為山友之選嘅大埔烏蛟騰,為最接近附近行山徑嘅賞楓地點,楓香數目最然係最少,只有單獨一棵,但就係4個地方當中最大棵,而且生長得極為茂密,楓葉從樹枝散落,仰天而望感覺更為壯觀,相比其他3個地方,感覺係最霸氣嘅楓香。

延伸閱讀﹕【秋季紅葉2021】10分鐘步入紅葉村落!巨型楓樹滿佈楓葉 矗立大埔烏蛟騰九担租村

(4)欣澳

最後一個賞楓勝地係欣澳,亦係編輯推介嘅楓葉靚景地,皆因欣澳樹林內嘅楓香林為4個當中最鮮為人知,所以亦人跡罕至,至少編輯當日係咁。欣澳有約10棵楓香,逐步轉紅,唔算太高,部份楓葉伸手可及,整個紅葉地帶比另外3個地方更為浪漫。

延伸閱讀﹕【秋季紅葉2021】欣澳秘密海邊樹林賞楓 10棵楓樹毋須爭位 片片紅葉媲美元朗大棠楓香林




E.A.Tips :

❶ 可以選擇步行上山,由元朗市中心元朗體育館步行上大棠山道楓香林,步程約1小時至1.5小時。

❷ 巴士路線68R可來往元朗形點至大棠,不過就只限有活動先有,即紅葉專車。而另外巴士路線K66、K66A、K66S都可以直接由元朗朗屏直達大棠山道,為紅葉專車,不過K66A、K66S就只限星期六日先有,車程約需60分鐘,至次約相隔15分鐘。

❸ 小巴路線有紅Van來往元朗至大棠山道,大概係來回元朗紅棉圍至大棠山道。

❹ 要前往大棠山道楓香林,只需沿大棠山道前行至避雨亭,然後繼繽上行,於小路穿過大欖郊野公園範圍,然後一條路線直上楓香亭,沿途皆可望楓葉景色,隨後可接駁大欖自然教育徑,又或者元荃古道。

❺ 芒草位置靠近大棠山道至大欖自然教育徑分岔路口。

❻ 平日大棠山道會有車輛行走,要注意交通安全,不過假日通常會封路,禁止車輛進入。

❼ 觀賞楓葉謹記要眼看手勿動,唔好採摘楓葉,要手執楓葉就於地面自己發掘。

❽ 雖然路段輕鬆,但都要帶備足夠糧水。

❾ 記得自己垃圾自己帶走。

❿ 部份楓葉可能會生長於小山丘,記得為安全計唔好胡亂攀爬,唔好踐踏沙丘。

❿ 大欖郊野公園燒烤場旁邊先有洗手間同士多,其餘地方無補給點。

元朗大棠楓香林

  • 大棠山道

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


長假期後人氣熱點頓變空蕩蕩巨石陣 30分鐘從炮台山日式庭園登北角後山新手路線紅香爐峰
【野餐隨行】鰂魚涌香港人高水準兩餸飯最平$32 闖北角清靜海邊公園野餐近汽車渡輪碼頭
新田加州花園保留罕見赤紅色殖民時代電話亭 英式小庭園探索圓柱形皇冠郵筒/貴族風時鐘
【野餐隨行】黃大仙近30年騎呢《西遊記》公園野餐 本土自家製熱狗店推分店限定優惠
大圍舊式茶樓客香邨現已恢復24小時營業 火鍋店616班底接手保留經典糯米包/魚翅餃
非來自台灣?本土製牛肉麵旺角/長沙灣有得食 外賣自取折後$50有找
近屯門碼頭!屯門蝴蝶灣泰國冬蔭功蝦湯奶白變橙紅 估吓一碗有幾多隻蝦?
鑽石山出發勇闖石礦場!山中秘道探索高聳東南亞樹屋 上中下三條路線直抵城市後山入口
【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯
太子人氣車仔麵湯底鹵汁混腩汁 16款麵底任揀必試低卡蒟蒻麵
薄扶林榕樹小徑驚現獨特樹洞仙境!一條路線走過殖民建築玫瑰邨+歷史古蹟伯大尼教堂/舊牛奶公司牧場
「食街」搵食遊!西貢巷弄7間夏日必去本土小食店 離碼頭僅2分鐘步程
全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)
近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】
【野餐隨行】鴨脷洲海邊歎有料車仔麵 前臨南區純白燈塔眺東博寮海峽3支煙囪 30分鐘輕鬆走完小玉桂山
月前旺角設分店齊齊叫雞!上水鳳鳴居足料無味精雞湯麵濃郁可口 醉雞嫩滑+10款湯底回頭率極高