【3低本地遊】梅窩 小島風情
3低本地遊,  兩個人旅吓行,  和你Taste

【3低本地遊】梅窩探礦洞瀑布透心涼 兩間鮮為人知食店異國風爆滿

瀏覽次數:314
個人瀏覽過





梅窩向來係本地人週末休閒好去處,海陸相通,無論巴士定渡輪都可以抵達,拍拖兩個人去本地遊亦非常方便,可以步向熱門景點,亦可以一嚐鮮為人知嘅食店,熱門與冷門地皆宜。

第一站﹕Cafe Paradiso

踏入梅窩,首先於碼頭附近拉間餐廳醫吓肚,Caffe Paradiso為意大利文,由外國人主理,係一間梅窩區內嘅Coffee Shop,離海旁只係1分鐘步程。咖啡店內菜式到咖啡甚有水準,連咖啡豆都甚講究,氣氛悠閒,整體係一間有異國感嘅咖啡店。

延伸閱讀﹕賣靚啡撐本土 梅窩海邊咖啡店Caffe Paradiso 軟包似upgrade版「豬柳強」?

第二站﹕銀礦灣

食完早餐可以先前往銀礦灣泳灘散吓步,位置水質不俗,水清沙幼下,向來吸引唔少外國人曬太陽、玩水,甚至黃昏時觀看夕陽,不過銀礦灣其實只係今次行程嘅踏腳石。

梅窩原名為梅窠或梅蔚,而梅窠讀音為梅窩,最終統稱為梅窩。梅窩一帶歷史可追塑至南宋末年,有指當時地形狀似梅花五瓣,而蝴蝶山亦如同窩形,所以合稱為梅窩,以前鄉民會稱為梅窩谷。事實上,梅窩同大澳相近,以往同樣為小漁村,只不過梅窩未有保留棚屋,演變成旅遊景點,加上興建房屋,令梅窩變得更現代化。

第三站﹕銀礦瀑布

穿過銀礦灣泳灘背後小路,登上有梅窩瀑布之稱嘅銀礦瀑布,該瀑布氣勢唔算太強,但水流一瀉而下時,流水清澈,亦有幾分透心涼,瀑布底有可澗同小水潭,如果無乜人嘅話,確實有洗滌心靈嘅感覺。

延伸閱讀﹕仙境變人間? 梅窩銀礦瀑布滿佈人群 流水聲變人聲+相機快門聲 50米礦道/隱藏廢棄小屋探秘

第四站﹕銀礦洞

離瀑布不足5分鐘步程,即達銀礦洞,座落白銀鄉村,因藏有鉛礦而命名,不過後來礦洞停產後變成一處遺跡,現時只剩低10呎乘7呎小洞口,深入內部亦只見積水,以及閘口,深度僅約50米。

延伸閱讀﹕銀礦灣東灣頭起步 2小時穿梭梅窩愉景灣瞰高空180度景觀 神樂院/純白教堂打卡 探索長沙欄稔樹灣小村落

第五站﹕袁氏大屋

折返海旁方向,可以找尋有百年歷史嘅袁氏大屋,係香港二級歷史建築物,曾經為國民黨前委員住宅,經歷過二戰時期及國共內戰,用作瞭望、防範、監視之用,可抵禦賊匪侵襲。現時基本荒廢,僅部份用作銀礦灣渡假酒店員工宿舍用途,該古老大宅有2座,充滿童話風格,樓高3層,尤如迷你古堡,可以打吓卡。

延伸閱讀﹕河口旁童話風古堡 梅窩袁氏大屋百年建築深度遊

第六站﹕Southside Lantau

折返銀灣邨,可以找尋梅窩另一間小店,Southside Lantau同Cafe Paradiso一樣,都係比較鮮為人知嘅食店,呢間就以香草脆皮烤雞為主,以香草、美國香料醃製雞肉,再採用慢烤方式炮製,啖啖充滿美國南部風味。

延伸閱讀﹕梅窩鮮為人知秘店Southside Lantau招牌香草脆皮烤雞 最平$30/隻雞髀!

第七站﹕迦南便利店

離Southside Lantau不遠,有一間有別於連鎖便利店嘅便利店,內有蔬果、糧油雜貨、蛋糕烘焙、酒、咖啡、茶、健康食品、環保用品、布料等貨品,如果想行吓街、買吓生活用品,不妨去支持吓同路人啦!

延伸閱讀﹕梅窩隱藏街坊便利店 大嶼小聚糧油雜貨健康食品超抵買!

Budget(以兩個人計算)﹕
巴士3M————————————————–$35.6
早餐﹕Cafe Paradiso ———————————– $202
銀礦灣 ————————————————– $0
銀礦瀑布 ———————————————– $0
銀礦洞 ————————————————– $0
袁氏大屋 ———————————————— $0
下午茶﹕Southside Lantau —————————– $148
迦南便利店 ——————————————— $0
巴士3M————————————————–$35.6
總數 —————————————————– $421.2




E.A.Tips﹕

❶ 巴士3M人均平日車資 $11.4、假日車資$17.8。








Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象
【野餐隨行】隨手買午餐登灣仔半山!跑馬地箕璉坊藏配水庫大草地緩跑徑
招牌豬骨煲材料充足滿口骨膠原 大角嘴靚煲皇賣高水準火鍋餐
舊店傳承!灣仔70年老字號小食店細舖搬大舖 年輕人接手重現臘味糯米飯/港式街頭小食
愉景灣小歐洲度假風情 大嶼山稔樹灣菲人村旁藏長沙欄無人沙灘