【3低本地遊】銅鑼灣 一級歷史建築物
3低本地遊,  兩個人旅吓行,  和你Taste

【3低本地遊】探銅鑼灣3座一級歷史建築物闖避風塘 鬧市玻璃屋咖啡館歎下午茶

瀏覽次數:259
個人瀏覽過





銅鑼灣係港島區人山人海嘅工商住宅區域,多個本土地標同商場皆座落銅鑼灣,如果提及銅鑼灣一日遊,編輯並非單純帶大家到時代廣場或希慎廣場拍拖行街街,事實上兩個人於銅鑼灣可以去嘅地方仍有好多,既可以探索古典建築物,亦可以闖入避風塘,更可以到咖啡店歎下午茶打吓卡。

第一站﹕蕃茄仔

到達銅鑼灣鬧市,先搵一間餐廳醫吓肚,當中希雲街有一間以蕃茄濃湯麵為主打嘅湯麵店,以大量蕃茄熬煮湯底,色澤通紅,茄味濃郁,另外亦有一道將蕃茄濃湯與日式冷麵Crossover嘅蕃茄冷湯,味道甚有驚喜。

延伸閱讀﹕銅鑼灣全新蕃茄濃湯麵 秘製日式冷麵清新消暑

位處灣仔至天后之間嘅銅鑼灣,其實讀音為銅鑼「環」,而非銅鑼「彎」,不過由於地下鐵路稱為銅鑼「彎」,故此多數都統稱為銅鑼「彎」。另外,原來係因為灣仔海灣狀似銅鑼,所以該海灣就直呼銅鑼灣,當中銅鑼灣避風塘就係該正中心,後來因填海問題而未能再見到銅鑼模樣嘅海灣。

第二站﹕聖保祿修院基督君王小堂

食完午餐,折返鬧市方向,會發現一間躲藏於聖保祿醫院後面嘅教堂,屬香港一級歷史建築物,採用羅馬式風格,由教堂圓拱形鐘樓至柱身,以致半圓形聖所、彩繪玻璃窗,都有獨特風格。

延伸閱讀﹕銅鑼灣羅馬式教堂勁有古典味 屬一級歷史建築

第三站﹕虎豹別墅

其後從銅鑼灣乘搭小巴路線21M前往跑馬地,於虎豹別墅落車,同樣為香港一級歷史建築物,於2019年中先完成活化,原為胡文虎私家別墅,採用中式文藝復興建築風格,設計別緻。

延伸閱讀﹕虎豹別墅愈改愈細 欣賞中式文藝復興建築

第四站﹕聖瑪加利教堂

折返原路乘搭電車,可以前往鬧市之上另一座古典教堂,靠近禮頓山,以往常為本地電視劇、電影嘅拍攝場地,係此行程中第三個香港一級歷史建築物,設計上則以古典復興主義為主,當中亦有哥德式石柱、拱形天花、半圓形聖所、螺旋樓梯。

延伸閱讀﹕禮頓山古典復興教堂登一級歷史建築 銅鑼灣鬧市秘道通往避風塘

第五站﹕N.O.T. Specialty Coffee

走完幾座香港一級歷史建築物,係時候歎返個下午茶,銅鑼灣鬧市內有一間以玻璃屋設計嘅咖啡店,樓底極高,全無壓逼感。該咖啡店位處希慎廣場內,感覺閒適,菜式以輕食為主,配搭黑白咖啡,適合充當週末下午茶。

延伸閱讀﹕港版玻璃咖啡館! 銅鑼灣鬧市藏樓底特高夢幻玻璃屋 週末拍拖慵懶歎咖啡

第六站﹕銅鑼灣避風塘

歎完下午茶,前往海旁方向,可以從秘密通道闖入避風塘,內有唔少船艇,有興趣更可以乘搭舢舨到防坡堤上嘅銅鑼灣燈塔。即使只係於海邊觀景,風景亦不俗,可以觀賞黃昏日落、晚霞景色,欣賞維港暮色。

延伸閱讀﹕禮頓山古典復興教堂登一級歷史建築 銅鑼灣鬧市秘道通往避風塘

第七站﹕Cafe Zense

睇完日落折返銅鑼灣鬧市,可以先行吓街,肚餓時再找尋美食,當中有一間樓上咖啡店,室內座位舒適,而室外則為一個小花園平台,感覺悠閒,而食物方面係典型西式咖啡店款式。

延伸閱讀﹕閨蜜談心好去處 銅鑼灣樓上cafe必食apple crumble連雪糕球

Budget(以兩個人計算)﹕
午餐﹕蕃茄仔 ——————————————— $170
聖保祿修院基督君王小堂 ——————————– $0
交通﹕小巴21M號 —————————————- $10.6
虎豹別墅 ————————————————– $0
交通﹕電車 ———————————————– $5.2
聖瑪加利教堂 ——————————————— $0
交通﹕電車 ———————————————– $5.2
下午茶﹕N.O.T. Specialty Coffee ————————- $174
銅鑼灣避風塘 ——————————————— $0
晚餐﹕Cafe Zense —————————————- $400
總數 ——————————————————- $765




E.A.Tips﹕

❶ xxxxxxxxx


















Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足