【3低本地遊】尋神秘瀑布景？香港仔探索水上漁民舊居 水塘路段輕鬆穿梭灣仔
鴨脷洲叫Aberdeen Island，而香港仔就叫Aberdeen，所以鴨脷洲就係香港仔一個小島，而香港仔以往同樣以漁民為主，雖然現時已建有唔少住宅，亦有少數工業區，但香港仔避風塘仍然為人熟悉，當中傳統水上人又叫蜑家人，係香港仔留低嘅歷史痕跡。而香港仔區內嘅香港仔水塘亦係著名山界景點，值得拍拖兩個人前往探索吓，水塘更可以同時貫穿香港仔至灣仔，全程平坦易行，係閒遊之選。
第一站﹕果然冰室
香港仔有唔少好食肆，但要一早到香港仔食個早餐，可以先挑選果然冰室，簡單直接，以港式冰室為藍本，由Let’s Jam一起果醬打骰，價錢相宜，係區內街坊嘅早餐店。
延伸閱讀﹕港式茶記果然冰室年初香港仔開業 生炸式香草雞扒有驚喜
第二站﹕香港仔大道／鴨脷洲大橋休憩處
由香港仔市中心向黃竹坑方向走，會發現當中有一個鮮為人知嘅小角落，位置近橋底交叉點，假日為家庭傭工聚腳點，背後其實有一道小瀑布，人流極少，係一個值得前往嘅影相位。雖然呢道瀑布係小瀑布，但其實都有幾分震撼，水聲清澈，垂直傾瀉時亦有如懸崖瀑布，至於從下而上觀望亦甚壯觀。
延伸閱讀﹕無人之境？ 香港仔鬧市神秘瀑布 黃竹坑道藝術木牆打卡
第三站﹕香港仔避風塘/ 長堤
從瀑布折返香港仔避風塘旁邊嘅長堤，可以直接觀賞避風塘風景，海上遍佈漁船，有小漁村之感。
香港人生活五光十色，變化愈來愈大，而香港仔就係漁村演變而成，曾為主要轉口港，當中海港亦叫香港仔避風塘，係聞名於世嘅旅遊熱點，包括珍寶海鮮舫碼頭，曾為電影《食神》取景地。事實上，香港仔舊時叫石排灣，區內半山處有一條石排灣邨，為早期定居嘅居民，歷史可追塑至第一次鴉片戰爭以前，香港仔原本亦叫香港村，由當時政府命名為鴨巴甸，紀念英國外交大臣阿伯丁勳爵，故此英文為Aberdeen。
不過，近代香港仔已經逐步被填海，唔少艇戶已經搬到陸上居住，海港愈來愈細，街渡來往香港仔至鴨脷洲亦只需2分鐘。
第四站﹕快樂茶檔
折返香港仔市中心，可以找尋另一間街坊茶檔，以舊式茶檔為藍本設計，食物款式有如冰室，既可以食午餐，亦可以歎返個下午茶。菜式有幾分懷舊感，質素上亦不過不失，價錢則極相宜，拍拖兩個人$100可以埋單。
延伸閱讀﹕香港仔抵食下午茶！ 轉角街坊店必食激厚西多 邪惡炸髀畫蛇添足？
第六站﹕香港仔上水塘
另一端則為香港仔上水塘，人流比下水塘多，主壩位置景觀遼闊，由翠綠群山環抱，前臨平靜湖面之餘，亦可眺望海景，清涼海風極舒暢。而水壩亦為法定古蹟，設計有特色，保留歷史痕跡，水塘上亦有小石橋，圓拱形設計亦充滿英倫風格。
第五站﹕香港仔下水塘
沿上山路段走去，可以先步行直上香港仔下水塘，全程既有樹蔭，亦為瀝青路，而且指示牌清晰可見，完全係一道無難度嘅水塘路線。下水塘建逾100年，原本為私人水塘，反來演變為公用水塘，甚至連接上游嘅上水塘。
延伸閱讀﹕【蝴蝶群舞】零難度上香港仔水塘 推介人跡罕至神秘位打卡 1小時直通灣仔鬧市超易行
第七站﹕灣仔峽公園
從香港仔水塘步行往灣仔方向，中途會經過灣仔峽道遊樂場，公園內隱藏一個充滿泰式風格嘅小秘地，既包含泰文字牌，亦為泰國小花園設計，遍佈植物，可以打吓卡。
延伸閱讀﹕灣仔山坳頂藏打卡公園 泰式小屋異國風滿滿
第八站﹕警隊博物館
於灣仔峽公園影完相，可以自由選擇前往警隊博物館，位置可享山坳景觀，而室內則有舊時警隊歷史，不過入唔入同信唔信就自由決定。
第九站﹕姻緣石
其後，轉入寶雲道健身徑，向跑馬地方向步行，可以順道參觀相當有名嘅姻緣石，可以誠心祈求桃花運，包括愛情運或事業運。
第十站﹕李節花園
最後前往灣仔李節街李節花園，雖然只係一座屋苑，但表面睇嚟，有如南洋風格嘅單幢樓，綠白相間嘅小屋，風格獨特，有如新加坡嘅小屋。
E.A.Tips﹕
❷ 灣仔峽公園嘅打卡位只係一個小地方，佔地極細小，由香港仔水塘步行往灣仔警隊博物館時會經過。
