【3低本地遊】將軍澳現時有幾個新市鎮,而坑口就係其中之一,區內大多為住宅群,但事實上住宅中亦可以挑選好餐廳,更可以找尋值得拍拖兩個人去散吓步嘅小沙灘,行程簡單,即使玩足一日,全日使費亦毋須支付$200!
3低本地遊,  兩個人旅吓行,  和你Taste

【3低本地遊】坑口住宅群藏居酒屋 海邊靜謐沙灘隨時隨地影靚相

瀏覽次數:125
個人瀏覽過





將軍澳現時有幾個新市鎮,而坑口就係其中之一,區內大多為住宅群,但事實上住宅中亦可以挑選好餐廳,更可以找尋值得拍拖兩個人去散吓步嘅小沙灘,行程簡單,即使玩足一日,全日使費亦毋須支付$200!

坑口住宅群包含南豐廣場、蔚藍灣畔、海悅豪園、厚德邨、明德邨、頌明苑、安寧花園、坑口村、田下灣村、水邊村等,其中坑口村有約70年歷史,而小區內竟有4個商場,最為人知嘅係東港城、TKO Gateway, 如果要於坑口市中心搵食,大概只係連鎖店Beans。

第一站﹕隱居

坑口一日遊首站當然係先飽餐一頓,今次步入坑口村內,找尋一間躲藏於村屋內嘅日式居酒屋,屬鄉村之間飯堂,感覺親民。菜式簡約,以丼飯為主,價錢由$68至$118,包含主食之餘亦有小食或沙律。店內最特別嘅地方唔係有清酒提供咁簡單,而係採用日式屏風當作隔板,創意度十足,即使疫情過後,仍然可以繼續使用,而且毫無違和感。

延伸閱讀﹕神秘居酒屋係鄉村食堂? 日系屏風變隔板 坑口村隱居小隱隱於野

原來坑口真係因為村中有一條大水坑,將澗水流入大海中,同時係大型船隻停泊嘅地方,故此該地方由稱為坑口。該地方發展成新市鎮前已有居民定居,而且以漁農業為主,後來位於將軍澳海邊嘅坑口被填海,海邊地方大多用作工業用途,漁農業逐步減少。

第二站﹕岩頭沙

由坑口前往岩頭沙,可以乘搭經清水灣道嘅小巴路線,於五塊田落車後,直行到底就會到達。岩頭沙向來係潛水勝地,現場不時會見到有潛水客,探索海底珊瑚群、水母等海洋生物。而石灘風景亦甚優美,有如東平洲,地方人煙杳然,環境舒適。

延伸閱讀﹕岩頭沙潛水勝地 「港版珊瑚島」小棕林隱藏打卡位

第三站﹕小棕林

從岩頭沙觀望,會發現旁邊有一個小沙灘,名為小棕林,步入沙灘亦毋須15分鐘,沙灘呈長形,同樣正對牛尾海,景觀遼闊,可眺西貢市中心至龍蝦灣,適合放鬆,加上只有零星釣魚客,相當清靜,適合散步。而沙灘盡頭則有一個小型打卡位,係由一道小石灘路連接嘅小泳棚,有幾分似同樣延伸出海嘅西環泳棚。

延伸閱讀﹕岩頭沙潛水勝地 「港版珊瑚島」小棕林隱藏打卡位

第四站﹕白水碗

由小棕林起步前往香港科技大學,可以乘搭巴士路線,而大學背後就有另一個小沙灘,名為白水碗。而白水碗旁邊亦有露營灣,整個沙灘人流唔算多,係水上活動嘅好地方,而每一處地方都可以打卡,絕對係IG-able。白水碗旁邊更有一個荷蘭風格農莊,即使唔進入農莊,亦可以於外面一道純白小木橋、時有時無嘅韆鞦打卡。

延伸閱讀﹕隱藏科技大學旁 白水碗沙灘處處影相位




E.A.Tips﹕

❶ 巴士路線91M可以來往坑口至鑽石山站,而小巴路線11M等亦可來往坑口至香港科技大學。

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象