味.覺.遊記
Cafe 咖啡店,  兩個人醫吓肚,  和你Taste,  西式

馬灣週末小島旅行味覺遊記 村中咖啡屋嚐慢活滋味

瀏覽次數:143
個人瀏覽過





馬灣一度係唔少人選擇嘅週末好去處,但小島區內尤如一個美食沙漠,但事實上唔只一間同路人嘅小店,今次編輯瓹窿瓹罅發覺當中有一間隱藏於村屋之內嘅咖啡店,有戶外、室內座位,以西式菜式為主,感覺慢活,適合拍拖兩個人閒遊時醫吓肚。

呢間咖啡屋位處村屋間轉角處,於馬灣大街背後,一般人未必會察覺得到,故店內大多數都係區內街坊。店內有室內雅座,亦有戶外露天茶座,室內座位擺放得比較逼夾,室外則較空曠,以木系裝潢為主調,感覺溫馨,大窗之外就係露天茶座。

話明味覺旅行,Menu上有林林總總菜式,包含意大利粉、法國煎餅Crepe、英式早餐、沙律、Egg Benedict,甚至東南亞風味雞肉意大利拖鞋包三文治、手撕豬肉比高三文治,原來比高即係Bagel,而單單意大利粉都有7款可擇,並非局限卡邦尼意粉,口味眾多。

蝦仔蕃茄忌廉汁長通粉$98 雖然內含忌廉汁,但入口唔膩,蕃茄醬能中和忌廉汁嘅膩感,而長通粉份量同軟硬度都適中,內含一隻隻小蝦仁,至少蝦仁並非只得三四隻,食極重有。

魷魚忌廉香草醬意大行麵$98 入口清新,青醬唔算太重,忌廉比青醬多,但入口唔膩,兩者互相平衡,醬汁方面並唔普通。麵條軟硬度尚算適中,不過不失,偏向硬身,而意粉本身份量充足,所以食落夠飽肚,略嫌魷魚份量較少。

每份套餐加上飲品加$10,入咖啡店當然係飲即磨咖啡,咖啡味道不俗,不過熱咖啡可能會比較好。另外,要去味覺旅行,就揀一杯Smoothie,當中有士多啤梨香蕉奶昔,士多啤梨色調明顯,但香蕉味極搶,蓋過所有味道,令味蕾只有陣陣蕉香。




E.A.Tips﹕

❶ 如果由珀麗灣碼頭步行而至,腳程約為10分鐘;如果由巴士站田寮新村站落車,步行到小店只係約3分鐘。

❷ 台灣風味滷肉飯、牛肉麵,以及全日飯餐都只限星期一至五供應。

❸ 小店有兩個門口,一倨何露天茶座,另一個則步入室內雅座。

❹ 留意門口有個小型店名名牌,寫有「味.覺.遊記」。

❺ 水、餐具可以自行於出面拎。




味.覺.遊記

  • 馬灣馬灣田寮新村13號
  • 星期一至三 11:30 – 15:00、18:00 – 21:30;星期四全日休息;星期五11:30 – 15:00、18:00 – 21:30;星期六至日 10:00 – 16:00;公眾假期10:00 – 16:00
  • 6296 0207

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足