兩個人醫吓肚,  å€å€æœ‰è‰¯å¿ƒ,  å’Œä½ Taste,  å°é£Ÿç”œå“

【區區有💛】近巴士總站!慈雲山3間自選外賣店 日式港式川菜應有盡有

瀏覽次數: 77
個人瀏覽過





慈雲山係一個小區,但一樣集合唔少良心小店,同附近嘅新蒲崗一樣,地小而良心店多,一條毓華街加毓華里,都有十幾間食店,今次講吓巴士站旁邊3間外賣小食店,方便兩個人拍拖搵食。

(1)瀛家

以外賣服務為主打的瀛家,大多選擇都係日韓便當,星期一至五更有唔同款式嘅便當,為學生提供優惠,無論日式嘅吉列豬扒飯定韓式炸雞飯,款款都只係街坊價錢,都算抵食。一盒鰻魚炒飯 $35,飯盒堆滿炒飯,即叫即炒,返到去摸到飯盒重係暖笠笠,打開飯盒即傳出香噴噴炒飯香。炒飯以蟹籽點綴,鰻魚粒份量適中,唔太少,炒飯香口,醬汁唔鹹,飯量極多。加$10可以要4粒抺茶泡芙,甜品相比便當比較遜色,抺茶餡雖然流心,但無普通忌廉泡芙咁幼滑,而且咬開抺茶餡會瀉晒,比較論盡。

瀛家

  • 慈雲山毓華街74-80A號嘉華大廈地下B3號舖
  • 6406 8948

(2)川味巴

位於瀛家後面嘅川味巴,一睇就知係家庭式管理,似士多模式,再提供熟食,貌似學生為主要客源。小店以川味涼拌同酸辣粉為主打,有6款粉麵同20款餸任揀,一餸一麵加汽水外賣價錢為$33,除咗薯粉、油麵、米線、公仔麵外,重有比較粉有得揀嘅陳村粉、土豆絲。今次揀陳村粉拼豬耳,BB辣的確係BB辣,容易入口,有麻香、辛香味,涼拌帶輕微酸酸辣辣,略嫌唔夠麻辣汁,陳村粉順滑之餘可黏上辣汁,豬耳仔爽脆有咬口,配搭不俗。

川味巴

  • 慈雲山毓華里28號萬寶大廈地下8A號舖
  • 星期一至六 11:00 – 19:00;星期日全日休息
  • 9497 9966、5666 4899 (WhatsApp)

(3)黃大仙雞翼尖

由黃大仙搬到慈雲山嘅黃大仙雞翼尖,貫徹車仔檔模式,以港式街頭小食為主,主打一定係雞翼尖,其他小食包括魚蛋、牛丸、司華力腸、碗仔翅、生菜魚肉等,為3間入面比較貴嘅一間。鐵板炒雞翼尖每份$30,有大概十幾仔雞翼尖,配搭酸蘿蔔粒,可揀蜜汁、香辣汁或麻辣汁,添加蜜汁後嘅雞翼尖,似乎並非畫龍點睛,而係畫蛇添足。雞翼尖本身滷得軟稔,算脹卜卜,炒得金黃香口,但蜜汁有陣奇怪味道,有幾分似藥水味,同蜜汁味大有分別,加上蜜汁呈玻璃透明狀,極黏稠,似一款醬,但味道又偏稀,無蜜糖味亦無甜味。而醃製過嘅白蘿蔔粒帶微微酸甜味,幾開胃。至於足料碗仔翅$24,價錢絕對比一般小食店貴,麻油香味、紅醋酸味足夠,碗仔翅略為杰身,芡太重,但料唔太多,肉絲、冬菇絲、木耳絲、粉絲都比較少。最貴一間,係最失望嘅一間。

黃大仙雞翼尖

  • 慈雲山毓華街74-80號地下
  • 星期一至六 15:30 – 23:30;星期日全日休息
  • 6924 1700 / 6056 0060



E.A.Tips﹕

❶ 3間小店都靠近慈雲山南巴士總站旁邊。

❷ 分散投資,撐多幾間。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足