大角嘴 3間 小食店
Cafe 咖啡店,  å…©å€‹äººé†«å“è‚š,  å€å€æœ‰è‰¯å¿ƒ

【區區有💛】大角嘴Coffee Hopping!6間Café逐間闖入歎咖啡

瀏覽次數:398
個人瀏覽過





上次提過深水埗Café Hopping,意指去完一間接住去另一間Café,而Coffee Hopping亦有同等意思,代表飲完一杯咖啡再飲另一杯咖啡,一直從一間咖啡店跳躍到下一間咖啡店,如同Hopping,嘗試唔同小店嘅咖啡。今次編輯就挑選大角嘴做實驗,原來小小一個大角嘴區內有至少6間可以拍拖兩個人去一嚐嘅咖啡店,大城舊區內一杯咖啡由$30起。

(1)Easy Joe

Easy Joe地理上屬於大角嘴,但其實離旺角極接近,係咁多間咖啡店當中價錢最貴嘅一間,如果食嘢加飲咖啡,無$400都落唔到樓。不過,仍然吸引唔少人慕名而至,咖啡等飲品比較出色,咖啡有新意,並非只有黑白咖啡,例如以Bailey’s配Latte $48,酒味揮發後只留低少少酒香,撇掉酒精苦澀味,令咖啡更有層次。而最受歡迎嘅係特濃宇治抹茶配白朱古力奶$48,鮮奶配宇治抹茶本身零驚喜,咪即係Matcha Latte?但加入白朱古力就特別有新鮮感,苦中帶甜,甜度適中,略嫌抹茶味太搶。

延伸閱讀﹕靠近旺角!大角嘴典型打卡咖啡店食物遜色 驚喜Bailey’s加咖啡/白朱配抹茶反高潮

(2)Day Coffee

向大角嘴新九龍廣場方向走,會發現一間隱藏於小街道內嘅新咖啡店Day Coffee 日啡,離奧海城極近,係比較早開門嘅咖啡店,感覺似台灣咖啡店,可以同時飲咖啡兼食早餐,或者下午茶。地方只有百零呎,但樓底夠高,主要賣輕食,包括三文治、牛角包、貝果等。飲品除咗咖啡之外有自家製芋泥系列配豆花豆奶,如果簡單一杯抺茶鮮奶$30至$33,早餐Set形式就另加$12,呢杯就係Matcha Latte,抺茶味濃厚,鮮奶奶泡柔滑軟綿,亦有小小拉花。

延伸閱讀﹕離奧海城僅3分鐘步程!大角嘴全新街坊早餐店 每日啡一啡飽肚套餐$40有找

(3)Craft Coffee Roaster

繼續向大角嘴鬧市方向走,靠近西九匯方向亦有一間咖啡店Craft Coffee Roaster,意指咖啡手藝,同樣以啡會友,咖啡師甚至係曾經於一個比較得獎。呢間咖啡店係幾間當中最少食物嘅一間,輕食價錢介乎$30至$64,皆因集中於咖啡上,內裏既有黑白咖啡,亦有精品咖啡。不過,遺憾編輯當日遇上欠缺熱情嘅店員,而咖啡師忙於招呼另外兩位女生,未有人介紹精品咖啡,最終只能淺嘈一杯Piccolo $30、一杯Flat White$38,無謂俾太貴啦。

延伸閱讀﹕大角嘴街角悠閒咖啡店 一杯低調嘅咖啡

(4)Homeland

而另一間咖啡店係一間典型文青咖啡店,名為Homeland,貌似家庭式,不過用色幻彩,吸引眼球,而室內燈光柔和。雖然服務麻麻,係幾間當中唯一收取加一服務費嘅一間,食物、飲品質素一般,但單靠黃之鋒、周庭去過就已經足以經常爆滿,唔Book位兼唔係熟客就只會被分配門口座位,即使室內係有其他座位。

延伸閱讀﹕大角嘴人氣幻彩咖啡店 典型家庭式意粉真係高水準?

(5)My Ahjussi

繼續向鬧市方向前行,會見到一間以韓國菜為主嘅My Ahjussi,室內以粉色、花朵佈置,充滿少女風格,菜式上都係韓式炸雞、便當等為主。而咖啡就有如Fusion般,例如一杯焦糖爆谷拿鐵$33,非常吸睛,可以打卡,確實有韓式風格。於Latte之上加上香甜可口嘅脆脆焦糖爆谷,雖然好快融化,但焦糖爆谷香甜味亦同時溶於咖啡內,充當砂糖,但唔會太甜,的確幾特別。

延伸閱讀﹕大角嘴大啖便當炸雞韓式浪漫 神秘韓文霓虹燈牌到底係咩意思?

(6)JB Kitchen

另一間係鬧市轉角位嘅JB Kitchen,該店係一間西餐為主嘅Cafe,檸茶有水準,咖啡一般,最值得試一試嘅係正宗Carbonara。意粉極有水準,並無白汁,有蛋香、芝士香,內有煙肉等,麵條爽彈而唔膩,極有驚喜。

延伸閱讀﹕大角嘴隱藏版轉角西餐廳 $98歎正宗意式卡邦尼意粉




E.A.Tips﹕

❶ 15至20分鐘可以走完6間Cafe嘅門口。

❷

❸


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足