3低本地遊,  兩個人旅吓行,  和你Taste

【3低本地遊】佐敦原名叫乜? 徒步西九睇日落 兩個人平食酒店自助餐

瀏覽次數: 90
個人瀏覽過





第一站﹕開餐

佐敦一間小店開餐打正香港人食堂旗號,喺疫情期間仍開張,菜式超符合香港味道,種類繁多,好國際化,由港式到日式,台式同中式,越式到星菜,甚至素食都有,更加有多款包含政治意味嘅款式,仲有多款滋潤特飲,可以補返吓。當中,最大特色係酸菜魚片湯河,一碗只係一人份量,以酸菜魚為湯底嘅粉麵於坊間比較少見,材料有魚片、酸菜、辣椒等,起碼飲咗都唔口渴,魚片新鮮,滑嫩啖啖肉,好啱過口癮。

延伸閱讀﹕抗飲食業寒冬? 佐敦小店疫市開餐 必食酸菜魚湯河

其實,佐敦原本被稱為官涌,以商廈為主,靠近彌敦道,交通便捷,夾喺油麻地同尖沙嘴之間,而西九龍就係填海區,所有港鐵西九龍站、九龍站都位處該填海區,佐敦、西九龍只係隔鄰。後來被稱為佐敦,只係一個約定俗成嘅地名,係因為附近有佐敦道同港鐵佐敦站。不過部份建築物仍然採用官涌作名稱,例如官涌街、官涌市政大廈、官涌街市、官涌體育館、官涌大樓,至於佐敦道就係因為病理學家兼醫生佐敦(G. P. Jordan)抗鼠疫有功,先會以佢譯名作街道名,本來其實被稱為第六街。

第二站﹕渡船角

你又知唔知道渡船角嘅位置呢?渡船角佔地唔大,但交通方便,只係鄰近佐敦,亦係歷史悠久嘅地方,屬於老區。渡船角近佐敦道碼頭,砵砵聲嘅汽笛聲老是常出現,提醒輪船唔好相撞。渡船角內以八文樓為主,即八幢文字頭嘅屋苑,近年有唔少南亞裔人士入住,烹調咖哩嘅地舖增加,變得更複雜,似足迷你版聯合國。

延伸閱讀﹕渡船角喺邊?《大事件》取景地 八文樓集體回憶係汽笛聲?

第三站﹕普慶餐廳自助餐

良心酒店比較少,以逸東酒店旗下嘅普慶餐廳為佼佼者,早前更推出$120下午茶甜品自助餐限時優惠,加$68起有頭盤連主菜,非常抵食!望望其他價錢,一般日子自助餐唔算太貴,比其他酒店值得一試。

延伸閱讀﹕平食自助餐! 普慶餐廳半自助甜品Buffet $120任食10款Mövenpick雪糕

第四站﹕西九海旁日落

由餐廳去西九海旁,車程只係5mins,西九龍海濱長廊屬於填海地帶,全長有1.5km,可眺望維港對岸港島西方向,景觀遼闊,空間感強,黃昏時份仲可以喺長廊欣賞埋日落靚景。西九龍海濱擁大片草地,唔少人都會坐低野餐,甚至帶小朋友去放電,或者同朋友踩單車,同時亦有唔少拍拖情侶兩個人漫遊海旁散散步。

香港政府對推廣西九文化區相當落力,務求成為全球大規模文化項目,包含藝術、教育同公共空間,展出文化藝術展覽、活動,同藝術界活動,提供海濱長廊公共空間給予公眾。既然免費入場,就唔好多作消費,藝術公園可野餐、踩單車,甚至睇日落,喺海旁散吓步、吹吓海風都幾Chill吖,兩個人喺海旁既可睇維港景,亦可睇日落景,天氣晴朗時,絕對輕易影到超靚海邊日落靚景!

延伸閱讀﹕西九海旁絕美日落景 手殘都影到




E.A.Tips :

(1) Google地圖未能顯示前往佐敦徒步西九簡單路線,其實步行到圓方就可以輕鬆行到西九海濱長廊。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象