篤篤車
兩個人醫吓肚,  和你Taste,  東南亞菜

元朗地舖借篤篤車賣泰式車仔麵 罕見鱷魚湯底鮮甜可口

瀏覽次數:107
個人瀏覽過





港式車仔麵係香港人一定食過嘅菜式,大多數都係「求其」、「是旦」,相當隨意,元朗有一間車仔麵檔將港式車仔麵混合泰國風格,炮製Crossover車仔麵,到底係咩玩法?配搭泰式冬蔭功湯底嘅車仔麵,究竟係驚喜定係中伏呢?

店舖以泰國著名嘅「篤篤車」命名,令愛好拍拖兩個人去東南亞旅行嘅香港人一望而知係賣泰國菜,只係未即時知道原來係一間Crossover食店。室內座位唔算多,但食物價錢上亦算公道,據稱大廚曾擔當米芝蓮西餐廳,故此人流仍然絡繹不絕。

單單一款3餸車仔麵賣$40,若挑選超值套餐則可配搭一款小食、一款菜$74,甚至可自己添加芫荽$3,變成「重荽」車仔麵。湯底有5款可擇,包括泰國鱷魚湯冬蔭功湯咖哩湯牛腩湯豬骨湯,每一款都可以自由挑選辛辣度,冬蔭功湯底固然應該選辛辣口味,不過就唔會每款都適合辛辣口味。以鱷魚湯為例,湯底罕有,如果選擇辛辣口味,則會影響本身湯底質感,未能品嚐原始鮮甜味。

對比附近更莫名奇妙滿滿人海嘅永年士多,一成不變嘅車仔麵配搭非自然湯底,感覺呢間元朗小店嘅湯底更有誠意。鱷魚湯麵熱焫焫上枱,呈現奶白色,入口有種海味熬煮出嚟嘅豆乳味,如同花膠湯,清甜可口。加上紅棗、杞子、茶樹菇,狀似海味配藥材湯,藥膳味濃,至少唔係味精湯底,夠晒順喉,濃而不鹹,唔油膩,而且充滿骨膠原,甚滋補。美中不足嘅地方係,正常一個客人係未能查看鱷魚肉湯渣,即使好奇心想望一下,亦甚困難,皆因湯底將鱷魚乾、鱷魚肉都已經隔走。

至於泰式冬蔭功湯底配上車仔麵,對比正宗冬蔭功,雖有冬蔭功配料,如香茅、青檸葉、南薑、辣椒等,但入口偏辣,辛香味、香辣味重,酸味較輕,有紅油辛辣味,比較刺激,並非溫和,如果想要真冬蔭功口味可能會稍有失望。

白蝦仁、墨魚仔都屬細細粒狀,但份量適中,甚可口;蘿蔔無渣,軟嫩入味;牛柏葉、豬大腸有咬口,亦可吸附湯汁;雞翼份量較少,但滷水味濃,反而最有港式車仔麵感覺。

小食有泰酥炸雞翼、網紋春卷、泰式鳳爪等,鳳爪辣椒份量超多,辛辣度高,並非酸辣,而係香辣味,辛辣味徹底蓋過其他味道,嗜辣者可試;蔬菜有菜心、芥蘭、唐生菜,可揀腐乳、馬拉盞或蠔油,正常發揮,至少係鮮嫩。特飲有薄荷青檸梳打,跟餐加$12,梳打水、青檸再加添薄荷,令口感更清爽,可以解辣,亦可解膩。




E.A.Tips﹕

❶ 位置近元朗河,元朗人一定知道,非元朗人就沿條河道走就會搵到,走青山公路元朗段咣右邊。

❷ 3餸車仔麵$40,超值套餐配一款小食、一款菜$74,特飲加$8,一般飲品加$4,加芫荽$3。

❸ 泰國鱷魚湯,可選5種辛辣度,大中小微或不辣;冬蔭功湯,亦可選3種辛辣度,大中小;咖哩湯,可選3種辛辣度,大中小;牛腩湯,可選5種辛辣度,大中小微或不辣;豬骨湯,可選5種辛辣度,大中小微或不辣。

❹ 星期一至五有下午茶,假期就無,最低消費為$34。

❺ 店內無加一,只收Cash。

篤篤車

  • 元朗馬田路22號安寧大廈地下6號舖
  • 星期一全日休息、 星期二至四11:00 – 21:00、星期五 11:30 – 20:30、星期六至日 11:00 – 21:00、公眾假期 11:00 – 21:00
  • 2336 3386

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足