2021-10-21

厚切魚生款式眾多 太子日式丼飯外賣店離始創僅1分鐘步程

東京街

個人瀏覽過





太子有兩間以東京街命名嘅食店,一間屬堂食,適合拍拖坐低食,另一間則係外賣店,今次先兩個人試外賣店,以外賣壽司、刺身、手卷、丼飯為主,大多數人都會挑選壽司或剌身,既可單買,亦可點選拼盤,編輯反而想點選日式丼飯。

外賣店靠近花園街、金魚街,離臭豆腐店不遠,同時離始創中心亦只有1分鐘步程,位置上屬方便嘅選擇。丼飯款式唔少,餐牌內少有十幾款可擇,大多以唔同剌身配搭,望落幾豐富,唔少都為$100樓下,亦有少量超越$100。

三文魚帶子海謄三色飯$88 內含一份海膽,雖然稍有溶化,但仍可品嚐到creamy質感,並非加拿大海膽,而係類似馬糞海膽味道。配料有蟹柳條、酸薑、玉子片,而其他刺身都為厚切,三文魚大塊而肥美,如果變成三文魚腩會更有魚油香,至於帶子亦夠鮮甜。

三文魚甜蝦油甘魚吞拿魚魚生飯$78 有4款刺身,每款皆有2片魚生,三文魚、油甘魚都屬厚切,甜蝦亦為牡丹蝦Size,唯獨吞拿魚比較薄切,但就有3片。配料有青瓜粒、蟹柳條、玉子片、酸薑,甜蝦刺身夠甘甜,有幾分黏口,三文魚、油甘魚亦肥美可口,吞拿魚不過不失。

至於白飯,至少採用珍珠米,雖然整體以價錢相近類比,丼飯味道、賣相不及大角嘴御守壽司,但總算係合格有餘。

    

E.A.Tips﹕

❶ 另一間東京街先係堂食,叫東京街日本料理位處太子西洋菜南街228號地舖。

❷ 每份丼飯都會附送即沖麵豉湯,留意喺膠碗內,需自行加入熱水沖泡,再稍為浸泡。

❸ 食物即叫即做,可能要稍為等候。


東京街

  • 太子水渠道30-32A號美星樓地下5號舖
  • 11:00 – 00:00
  • 5408 7567

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶
隱藏版藍田後花園打卡 穿梭五桂山茅湖山直通將軍澳
赤柱唯一!市集背後街坊小店 每日推出限時午餐益自己友
【3低本地遊】錦田慢活文青遊 必食2間街坊店 探訪城中古村連2日1夜懶人露營地
大角嘴定食版海南雞飯 霓虹燈牌現4款招牌菜式
【3低本地遊】原為客家村落? 秘道探索柴灣戰時遺跡 體育館藏迷你定食屋
【3低本地遊】小西灣前身有料到? 百呎小店有水準 闖入軍事建築遺址
【3低本地遊】何文田歎平價和牛丼 連走4條山徑超簡單路線 邊條路線先係紅燈山?
【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡
全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?
【3低本地遊】曾擠身全球最型格社區3甲!深水埗歎高水準健康跑友餐 探索草根小區兼輕鬆上山睇日落
岩石媲美東平洲馬屎洲!暢遊荔枝莊地質步道+攀登雞麻峒/蛇石坳 深涌閒遊全港最大草地打卡 兩條路線任揀!
山頂加設欄杆!格仔山重修還原紅白格仔 老虎岩石屋活化探索昔日寮屋區
新蒲崗廣場泰日餐廳Crossover 隨時邊食丼飯邊歎冬蔭公
躲藏大角嘴舊商場 微舖獨沽一味只賣越南包
Bakso代表乜?西貢人氣餐廳高水準印尼菜 招牌牛丸粉/牛骨湯飯湯底牛味濃郁

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →