2021-10-21

無需綑邊或爆林!西貢曝罟灣穿越秘道尋小海灣半月堤圍 遊走上窰民俗文物館認識客家文化

曝罟灣(半月堤圍)

個人瀏覽過





以西貢曝罟灣為行山路線,路段並唔複雜,最特別嘅地方係當中小海灣內有一道半月形小堤壩,中間可見小閘門,包圍曝罟灣,不過當中半月堤圍經已荒廢,目前係釣魚客、行山客嘅一個小地方,只係人流唔多,未演變成遊客勝地。大多數人都會選擇經起子灣前往,編輯就挑選一道比較容易步行嘅路線,無需要綑邊而走,亦無需要辛苦爆林,但時間相若,適合拍拖兩個人一齊找尋呢一道神秘嘅半月堤圍。

於西頁大網仔路落車後,折返發記士多方向,轉入北潭涌自然教育徑,穿過北潭涌復興橋後,分岔路口可通往燒烤場或西貢上窰村,穿過上寚河溪,勿轉向燒烤場方向。前行約10分鐘,右邊可見保良局北潭涌渡假營,其後即可到達上窰民俗文物館,再步行1分鐘即可見到聖母七苦小堂,為天主教堂。上窰民俗文物館對面有一個小碼頭,適合拍攝黃昏日落小寫真,水面平靜,環境亦清靜,可眺望黃宜洲。

進入上窰民俗文物館前亦有一灰寚,有如一個井口,曾用作生產石灰,為歷史遺跡;而館外則有高高圍牆,甚有日式小屋感覺,而館內則清楚刻劃昔日客家文化,包含客家茶房、家具、農具,如煮食灶頭,而上窰民俗文物館亦為法定古蹟,由80年代開放至今,為上窰村內一個客家文化博物館。

依循石屎路段步行約1分鐘會到達一個山路分岔路口,左邊上山路段可見通往上窰家樂徑,向上步行約5分鐘,會見到另一個分岔路口,轉右可連接上窰郊遊徑。此後,全程皆為山路,沿途可仰望擺頭墩,需要步行約30分鐘先會去到曝罟灣營地。

進入曝罟灣營地前,右邊有一個小路口,為通往曝罟灣半月堤圍囓小秘道,算係一道隱蔽山徑,向下行走約15分鐘,穿過小山路、茂密樹叢,就可以找尋底部小海灣嘅半月形小堤壩!

而到達半月堤圍之前,隨後會有一個分岔路口,另一端其實係起子灣路段進入半月堤圍嘅路線,基本上兩條路線都可以進入,但由曝罟灣營地前行到曝罟灣半月堤圍就比較簡單。不過,近海邊路段較多樹叢,相對普遍山路更裹足不前,加上為下行路段,要特別小心安全。

    

小海灣上築起一道半月堤圍,狀似蓄水魚塘,據悉昔日用作養魚捕魚之用,現時狀似簡陋而崩塌,如當中幾個被颱風破壞嘅缺口,但其實結構獨特,堤壩為孤形設計,水面則波平如鏡,風景極佳,山明水秀,時近黃昏可望日落景觀。

曝罟灣位處西貢北潭涌,不僅有半月形小堤壩,旁邊亦可見紅樹林,從小海灣可見位置凹入,有如避風塘,小海灣埋藏於密林之下,從草叢間突圍而出,景觀特別壯觀。至於堤壩位置亦景觀遼闊,則可眺望滘西洲、大頭洲,甚至鹽田仔。

延伸閱讀﹕西貢小黃屋前身係村校 1小時遊客家小島鹽田梓? 15分鐘船程訪碩果僅存曬鹽場


E.A.Tips :

❶ 巴士路線94,96R,289R 或小巴路線7,9號皆可以於上窰站落車,小巴一般於西頁上車,而巴士則除咗西頁,亦可以於鑽石山上車,巴士可以來往黃石碼頭至西貢,不過以96R為例,由鑽石山到上窰車程為45分鐘。落車後,只需折返即可見到對面為發記士多,旁邊為郊遊徑入口。

❷ 前往曝罟灣基本上可挑選兩個路段,一邊為起子灣,路段比較接近,但相對較崎嶇,而另一段則上郊遊徑,路段比較長,但就只係普通山路,較容易步行。

❸ 而由兩條路線交接位前往曝罟灣一段則比較隱蔽,路段樹林較茂密,山路更陰暗,但尚算可行走,路程約為15分鐘。

❹ 是次山路進入曝罟灣嘅位置為曝罟灣營地,於小路穿插即可進入,不過最好由有經驗人士陪同。

❺ 曝罟灣營地與石屎路之間步行路段需時約30分鐘,而由發記士多到山路入口則約需要15分鐘。

❻ 除咗石屎路段有街燈,其餘路段皆全無街燈,山路崎嶇不平,碎石繁多,所以要避免入黑行走。

❼ 沿遊皆無補點,只有街口上寚巴士站對出嘅士多。

❽ 上窰民俗文物館為免費入場,間中會有導賞團。

❾ 半月堤圍雖然壯觀,但甚破爛或斷裂,要注意安全問題,遠方路段較為狹窄,最多只可容納一人走過,小心失足跌落水,要量力而為,唔好只顧打卡。

❿ 謹記做足防曬、防蚊措施,另外自己垃圾要自己帶走。

❿ 半月堤圍另一端需連接山徑,但需要爆林進入或離開。

❿ 平衡力差者切勿橫越半月堤圍。

❿ 由今個星期日(10月3日)開始,一連3個星期日,九巴將會同WeLab Bank合作,為公眾提供特別優惠,凡乘搭巴士啊線96R來往鑽石山至黃石碼頭,皆可享免費優惠,上車後毋須繳付車資,同時可無限次上落車,往黃石碼頭服務時間由07:30至18:20,而往鑽石山站服務時間則08:50至19:30,多條西貢路線如蠔涌、西貢市中心、北潭涌、上窰、黃石碼頭等都可以享用該免費乘搭巴士優惠㗎!

延伸閱讀﹕西貢古道初夏路線! 飛鵝山頂瞰九龍全景 寧靜百花林懶人石砌步道 濠涌谷尋亞視舊址

延伸閱讀﹕連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底

曝罟灣營地

  • 西貢上窰郊遊徑

上窰民俗文物館

  • 西貢上窰郊遊徑
  • 10:00–17:00,星期二休息
  • 2792 6365

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶
隱藏版藍田後花園打卡 穿梭五桂山茅湖山直通將軍澳
赤柱唯一!市集背後街坊小店 每日推出限時午餐益自己友
【3低本地遊】錦田慢活文青遊 必食2間街坊店 探訪城中古村連2日1夜懶人露營地
大角嘴定食版海南雞飯 霓虹燈牌現4款招牌菜式
【3低本地遊】原為客家村落? 秘道探索柴灣戰時遺跡 體育館藏迷你定食屋
【3低本地遊】小西灣前身有料到? 百呎小店有水準 闖入軍事建築遺址
【3低本地遊】何文田歎平價和牛丼 連走4條山徑超簡單路線 邊條路線先係紅燈山?
【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡
全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?
厚切魚生款式眾多 太子日式丼飯外賣店離始創僅1分鐘步程
【3低本地遊】曾擠身全球最型格社區3甲!深水埗歎高水準健康跑友餐 探索草根小區兼輕鬆上山睇日落
岩石媲美東平洲馬屎洲!暢遊荔枝莊地質步道+攀登雞麻峒/蛇石坳 深涌閒遊全港最大草地打卡 兩條路線任揀!
山頂加設欄杆!格仔山重修還原紅白格仔 老虎岩石屋活化探索昔日寮屋區
新蒲崗廣場泰日餐廳Crossover 隨時邊食丼飯邊歎冬蔭公
躲藏大角嘴舊商場 微舖獨沽一味只賣越南包

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →