幸福海南雞
兩個人醫吓肚,  和你Taste,  星馬菜

大角嘴定食版海南雞飯 霓虹燈牌現4款招牌菜式

瀏覽次數: 98
個人瀏覽過





大角嘴有幾間海南雞飯店,當中位處中心點就有一間,以星馬海南雞飯為主打,套餐豐富,配搭老火湯、青菜、油飯,賣相不俗,係區內一間街坊店,一份足以飽肚。

上年尾,幸福海南雞於大角嘴開業,店內以長形設計,用色鮮明搶眼,再加插招牌菜式介紹嘅霓虹燈牌裝飾,似足IG Tag,一望而知有乜好食,招牌海南雞、藥燉肉骨茶、黃金元貝肉餅、幸福秘製圓蹄等,都是值得一嘗嘅菜式。

每款獨食一人套餐$70,先選主食,再選油飯或白飯,最後選飲品,上枱似日式定食模式,包含住家老火湯、青菜、油飯、飲品,似乎好豐富。當日老火湯為雪耳木瓜粟米湯,湯水足料,清甜而有住家味道,幾有火喉,而白灼青菜嫩綠爽脆,簡單配上少量蠔油已足夠。

招牌海南雞飯含雞髀肉、雞胸肉、雞翼,至少雞肉唔會入口有雪藏味,雞肉略有油份,總算肥瘦均勻,雞髀肉並非厚肉,但仍算嫩滑,雞翼不過不失,而雞胸肉軟腍唔嚡口,反而比雞髀肉有驚喜。除咗雞翼,去骨雞肉的確係無骨落地,黃澄澄雞皮則不過不失,稍為欠缺爽彈口感。

而油飯並非重黃薑,並非鮮黃色調,只係略帶油香味,油飯乾爽有油潤,飯粒分明,飯量充足,至於雞肉配上海南雞三色醬料,蔥油、辣醬、甜醬油各有特色,

黃金元貝肉餅飯幾有驚喜,肉餅有幾分似脆炸豬扒,每件肉餅有厚度,經過煎炸後香脆可口,肉質鬆化,但口味偏鹹,必須配上一口白飯或油飯。

細杯蜂蜜四季春綠茶檸檬蜂蜜紅茶甜度適中,飽餐後可用作解膩之用。




E.A.Tips﹕

(1) 位置於大角嘴大全街,靠近千之味。

(2) 以八達通付款有9折優惠。

(3) 二人套餐$192 另有海南雞半隻,適合拍拖兩個人去食,四人套餐$330 另有海南雞一隻。


(4) 海南雞飯轉雞髀加$10。

(5) 套餐配特飲加$15。


幸福海南雞

大角嘴大全街6-20號大富樓地下A5號舖
11:30 – 22:00
6360 4090

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足