[sig_post_pv label=””] 個人瀏覽過
粉嶺市中心、聯和墟均聚集眾多可支持小店，但一行遠些少，小店數量愈來愈少，甚至難以找尋，今次就於山路附近一個街市尋寶，當中有一間小店躲避街市內，以日式料理為主打，價錢親民，值得拍拖兩個人去十卜吓呢！
一方面離蝴蝶山只有2分鐘步程，另一方面離花都廣場約6分鐘步程，粉嶺雍盛街市內嘅Wifi東京日式料理於今年3月下旬開業，適合秋季上山之前去買啲嘢食補充體力呀！
店內有唔少招牌貨，比如壽司、刺身，尤其係抵食嘅自選壽司拼盤，如壽司櫻餐、壽司町餐，不過夏天氣溫較高，冷算拎得太遠會變壞，所以編輯只點選方便跨區外賣嘅食物。壽司如Wifi卷、吞拿魚腩蓉小卷、日本海瞻等都你招牌貨色，另有丼飯、定食、串燒、日式小食，例如鹽燒三文魚腩、玉子燒、天婦羅炸蝦、辣汁芝士吉列蝦卷、地獄蜆湯烏冬、忌廉薯餅、羊架等。
由於豚肉生薑燒定食已售罄，故此唯有點選鰻魚定食$50，每份皆配有三文魚麵豉湯、前菜，麵豉湯加入三文魚肉熬煮係幾特別，略帶魚肉味。一份定食約有三份一條鰻魚，為典型蒲燒鰻魚定食，醬汁鹹甜適中，魚肉亦軟腍，不過不失，略嫌白飯並非珍珠米，但街市嘢或者唔應該要求太高？
小食有紫芋栗子薯餅$18/2件、吉列廣島蠔$23/4件、芝士年糕$18/2件，薯餅內餡軟綿，栗子餡有咬口，而吉列蠔亦無腥味，外皮算炸得脆口，芝士年糕亦煙韌帶嚼勁，似乎小食更出色。
E.A.Tips﹕
(1) 鮮薈市場其實位處康盛商場內，並非華明街市。
(2) 由華明巴士總站起步，穿過華明街市，再經過華明邨，過馬路即達雍盛商場，雍盛街市位於左邊。
(3) 店舖位處街市內，並無座位，除咗外賣返屋企，亦可以行上山食，皆因離蝴蝶山不遠，距離入口只有5分鐘步程。
(4) 以剔紙落單，謹記所有餐點以紙張為準，如果要點選紙張無嘅食物，最好喺紙張寫低，唔好只用口講，避免好似編輯咁出現被漏單情況，如鹽燒三文魚骨$28。
(5) 可以用Lingduck apps叫外賣。
(6) Mee App有會員證可享95折優惠。
(7) 留意小店每日20:30會截單，最好用Cash付款。
Wifi東京日式料理
粉嶺華明路22號鮮薈市場5號舖地下 
10:30 – 21:00 
9700 6895
