2021-10-21

Bakso代表乜?西貢人氣餐廳高水準印尼菜 招牌牛丸粉/牛骨湯飯湯底牛味濃郁

白鬚旗艦店 Bakso Flagship Store

個人瀏覽過





東南亞菜當中,印尼菜於本地份屬少見,更不用說可支持嘅印尼菜小店,西貢就有一間以印尼菜為主嘅餐廳,人氣甚高,食飯時間唔Book位都唔使旨意入場,以印尼地道菜式、小食為主,水準甚高,可以拍拖兩個人去試一試。

小店有戶外座位,大玻璃窗內亦有室內雅座,而室內雖然面積唔大,座位唔算多,但樓底極高,增添室內空間感。裝潢僅以單調純白、木系為主,有如一般咖啡店,只係牆上以滑浪為主題,大概想帶出峇里島嘅感覺,而角落則充滿本土味道。餐牌當中,款式唔多,食物就只有區區6款,而且限牛丸、豬頸肉、雞肉、牛骨,

印尼語Bakso意指牛丸,必食之選係白鬚印尼牛丸粉$136,當中包含炸雲吞、手打牛丸、豆卜,原來印尼牛太粉外貌有幾分似Pho越南粉。湯底濃郁,以牛骨、牛坑腩熬煮,牛味甚重,有油脂香,金邊粉份量充足,配料有香蔥、炸蒜,另有橙紅色嘅印尼蕃茄醬、辣醬等,而炸雲吞餡料有層次,牛丸有咬口,亦有肉汁,但入口略帶實淨感覺,並非只係彈牙,同時有黑椒味,有地道感覺。

白鬚牛骨湯飯$90 亦係推介之一,每日限量供應,一碗牛骨湯配上白飯,再加一小碟豆瓣醬,白飯另上,自行勺起牛骨湯同白飯。湯內牛骨大大件,並非只有骨,而係黏有肉嘅牛骨,肉質鬆化軟腍,入口啖啖肉,而且連肉牛骨堆得似一座山。牛骨湯較牛丸湯稍清淡,但較清香,無油渣浮面已屬不俗,白蘿蔔軟嫩而有牛骨湯味。

另一款有燒豬頸肉湯飯$78 湯底含黃薑粉、香茅味,亦可見檸檬葉,內有雞湯味,有如咖哩湯底香味,略嫌湯底較稀,豬頸肉較薄身。小食有3件紫菜雞卷$18、泰式魚餅配參峇椰油辣椒醬$9、炸紫春卷$9,雞卷較為驚喜,以紫菜包裹雞肉,有嚼勁,至於魚餅有幾分似墨魚餅,外表稍脆,而春卷則稍欠脆感,而魚餅配搭參峇椰油辣椒醬則略帶清新感。

單點小食有印尼沙律$75,中間有一塊脆片,可配搭微微辛辣嘅醬汁,而旁邊沙律菜則有如新加坡嘅撈起,若將沙律菜與醬汁拌勻,更清爽開胃;而蝦多士$48 則只係區區5件,但蝦膠質感彈牙,多士鬆脆香口,傳來陣陣芝麻香,配搭沙律醬減低膩感。

鹹檸七$18 檸檬新鮮帶酸甜,汽水較甜,鹹檸檬酸爽,可解膩。而印尼曼特寧滴漏咖啡$20 冷熱同價,煉奶、冰粒另上,可自行將咖啡倒入冰杯內,入口順滑,甚為治癒。可以再按喜好加入適量煉奶調整甜度,不過編輯建議煉奶愈少愈好,避免影響咖啡質感。

    

E.A.Tips﹕

(1) 餐廳靠近萬宜遊樂場,離西貢市場街約2至3分鐘步程。

(2) 如果係食飯時間,絕對要Book位,唔Book位就要避開食飯時間,比如下晝2點後或傍晚6點前入場。

(3) 需要用QR Code點餐,但埋單就要出櫃枱付款。

(4) 千層蛋糕好快會售罄,要食就要比較早點餐。

(5) 套餐加$9可加配小食1款,加配飲品則有半價優惠。

(6) 留意小店有收加一服務費,不過以自助形式落單同埋單


白鬚旗艦店

西貢灣景街9號地舖
星期一至五 12:00 – 21:00、星期六至日及公眾假期 12:00 – 22:00
2720 3168

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶
隱藏版藍田後花園打卡 穿梭五桂山茅湖山直通將軍澳
赤柱唯一!市集背後街坊小店 每日推出限時午餐益自己友
【3低本地遊】錦田慢活文青遊 必食2間街坊店 探訪城中古村連2日1夜懶人露營地
大角嘴定食版海南雞飯 霓虹燈牌現4款招牌菜式
【3低本地遊】原為客家村落? 秘道探索柴灣戰時遺跡 體育館藏迷你定食屋
【3低本地遊】小西灣前身有料到? 百呎小店有水準 闖入軍事建築遺址
【3低本地遊】何文田歎平價和牛丼 連走4條山徑超簡單路線 邊條路線先係紅燈山?
【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡
全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?
厚切魚生款式眾多 太子日式丼飯外賣店離始創僅1分鐘步程
【3低本地遊】曾擠身全球最型格社區3甲!深水埗歎高水準健康跑友餐 探索草根小區兼輕鬆上山睇日落
岩石媲美東平洲馬屎洲!暢遊荔枝莊地質步道+攀登雞麻峒/蛇石坳 深涌閒遊全港最大草地打卡 兩條路線任揀!
山頂加設欄杆!格仔山重修還原紅白格仔 老虎岩石屋活化探索昔日寮屋區
新蒲崗廣場泰日餐廳Crossover 隨時邊食丼飯邊歎冬蔭公
躲藏大角嘴舊商場 微舖獨沽一味只賣越南包

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →