2021-10-21

【中秋好去處】全港10個另類戶外賞月好地方 近市區環境清靜交通方便最啱談心

中秋好去處 10個 戶外賞月 好地方

個人瀏覽過





中秋臨近,拍拖兩個人想賞月去邊好?唔少人都會選擇熱門地方,大澳水鄉花燈節就因為人太多而取消亮燈,而西九龍海濱長廊、維多利亞港兩岸,甚至屬於日落勝地大角嘴維港灣旁邊嘅油麻地避風塘,又或者元朗八鄉露營地,都係賞月好地方,既有大草地,亦有海旁,地方偌大,非常空曠,通通都係賞月好地方。不過,編輯就另有提議,中秋節不妨挑選其他比較少人選擇嘅賞月地點,環境就會相對清靜,適合情侶談心,以下10個地方不單環境舒適,靠近市區,交通方便,亦有靚景睇,可以作為賞月之地。

延伸閱讀﹕【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海

延伸閱讀﹕18款香草任摘+可玩柴火! 錦田全新露營地仰望雞公嶺 設備齊全有熱水供應 10分鐘到市中心

1元洲仔

毗鄰大埔海濱公園嘅元洲仔,只靠一道橋連接,位置相對海濱公園少人,係中秋談心、賞月嘅好地方,既靠近海旁,亦面向東面,可以靜靜觀賞今年中秋圓月。

延伸閱讀﹕大埔元洲仔神秘海岸生態遊 孤獨海島藏古蹟紅樹林望吐露港 度假風藍色小屋/停機坪打卡

(2)平山

位處九龍灣以上嘅平山,景觀遼闊,九龍東比西面更容易賞月,無需要等到深夜,而且山上比地面靠近月光,更加係賞月好地方。

延伸閱讀﹕九龍灣版嘉頓山 624級直長階梯望獅子山 快閃登平山睇芒草

(3)白水碗

白水碗係靠近香港科技大學嘅小沙灘,亦可於中秋夜清靜地觀賞圓月景色,但巴士一般夜晚11點半就無車,而小巴夜晚10點左右亦會有尾班車。

延伸閱讀﹕隱藏科技大學旁 白水碗沙灘處處影相位

(4)石澳

比較熱門嘅賞月地點係石澳,沙灘偌大,而且有兩個沙灘,而石澳小島內有唔少小角落,例如情人橋、大頭洲,人流可以較分散,賞月後若凌晨12點亦有巴士或紅Van可以折返市區。

延伸閱讀﹕夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景

(5)鯉魚門石礦場

最接近市區嘅係鯉魚門石礦場,離油塘市中心只係15至20分鐘步程,從三家村直入石礦場,環境舒適,可一邊吹海風、一邊賞月,現時洶湧進入打卡嘅人流減少,所以都係一個好地方。不過整條路皆無街燈,故此建議要攜帶手電筒或頭燈,同時要避免因坐臨海位置而墮海。

延伸閱讀﹕三家村碼頭走20分鐘闖鯉魚門石礦場 驚現西藏梵文彩旗 荒廢石屋/廢墟石灘/大石山打卡

(6)沙下

離西貢市中心不遠嘅沙下灘,夏季通常係獨木舟、直立板等水上活動勝地,而位置相對碼頭較少人,但交通亦方便,可以於沙灘靜靜地賞月,避過碼頭人流。

延伸閱讀﹕盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景

(7)格仔山

想較接近市區,可以選擇樂富格仔山之類嘅小山丘,只需稍為步行上山,就可以於空地觀賞月光,兩個人於草地上談心兼賞月亦係最輕鬆而最低成本嘅地方。

延伸閱讀﹕BB級行山推介! 嚴選全港12個市區後花園 眺夕陽少人流夠僻靜

(8)紅燈山

市區小山丘另一個選擇係何文田紅燈山,同樣係一座15分鐘登上山頂嘅地方,紅燈山係其中一個配水庫遊樂場,毗連更有另外3個配水庫遊樂場,空間十足,可以隨便找尋一個地方坐低賞月。

延伸閱讀﹕避山上人群! 反其道而行登市區山 15分鐘到紅燈山山頂

(9)沈雲山

至於沈雲山則同樣係市區小山,只不過位處觀塘,而沈雲山係離佐敦谷公園不遠嘅地方,若想避免熱門公園嘅人群,不妨拍拖稍移玉步到隔離小山賞月啦!

延伸閱讀﹕輕鬆上山抖抖氣 「觀塘後花園」沈雲山必影神秘打卡位

(10)山頂

若然嫌上述地方離圓月太遠,可以直闖太平山山頂,倘若凌晨時份尾班車已過,兩個人步行落山亦無不可,反正都係石屎路,不過就要小心路段太靜。

延伸閱讀﹕型格酒紅色山頂纜車退役! 英式貴族風秘密花園野餐打卡 登上太平山真正最高點環瞰香港島

    

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶
隱藏版藍田後花園打卡 穿梭五桂山茅湖山直通將軍澳
赤柱唯一!市集背後街坊小店 每日推出限時午餐益自己友
【3低本地遊】錦田慢活文青遊 必食2間街坊店 探訪城中古村連2日1夜懶人露營地
大角嘴定食版海南雞飯 霓虹燈牌現4款招牌菜式
【3低本地遊】原為客家村落? 秘道探索柴灣戰時遺跡 體育館藏迷你定食屋
【3低本地遊】小西灣前身有料到? 百呎小店有水準 闖入軍事建築遺址
【3低本地遊】何文田歎平價和牛丼 連走4條山徑超簡單路線 邊條路線先係紅燈山?
【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡
全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?
厚切魚生款式眾多 太子日式丼飯外賣店離始創僅1分鐘步程
【3低本地遊】曾擠身全球最型格社區3甲!深水埗歎高水準健康跑友餐 探索草根小區兼輕鬆上山睇日落
岩石媲美東平洲馬屎洲!暢遊荔枝莊地質步道+攀登雞麻峒/蛇石坳 深涌閒遊全港最大草地打卡 兩條路線任揀!
山頂加設欄杆!格仔山重修還原紅白格仔 老虎岩石屋活化探索昔日寮屋區
新蒲崗廣場泰日餐廳Crossover 隨時邊食丼飯邊歎冬蔭公
躲藏大角嘴舊商場 微舖獨沽一味只賣越南包

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →