九十後部落觀塘新分店開業懶人週末悠閒上樓歎All Day Breakfast

名為「90s Lazy」的樓上Cafe，一年前於旺角開業，受到年輕人歡迎，官方金句「懶惰，大概是九十後的通病」引起共鳴，最近於觀塘開設分店，選址觀塘工業區，更方便年輕情侶拍拖兩個人去迤吓。

據稱，「90s Lazy」有6位90後年輕人打骰，觀塘分店同樣為一間樓上Cafe，再開闢一個俾年輕人放鬆嘅空間，適合愛忙裡偷閒嘅打工仔，週末悠閒歎個下午茶，貫徹主題懶惰一下。

小店招牌菜為啤酒薯條配黑松露醬、明太子蟹肉意粉、威靈頓牛柳，其他受歡迎菜式有香辣蒜片蜆肉意粉、紅酒燴牛尾飯、安格斯牛肉芝士漢堡、炸洋蔥圈、炸芝士條等，而下午茶嘅黑松露野菌意粉$62 則為素食之一，對比坊間嘅極重極濃郁黑松露味嘅黑松露意粉，呢碟黑松露咪適可而止，黑松露掛上意粉麵條，黑松露並非蓋過所有味道嘅份量，反而係幾恰當。黏有黑松露嘅意粉旁邊有幾塊牛油果點綴，賣相不俗，亦可解去膩感，顯得負擔較低。

全日早餐有4款，包括懶人包、素食主義Vegetarian $55、你諗啦No Idea $68、超級餓 Am I Dead？$112，都係經典All Day Breakfast演變而成，名稱極適合選擇困難症嘅朋友。當中，超級餓包含豬肉腸、燒烤腸、脆煙肉、煙三文魚、薯餅、炒蛋、烤蕃茄、茄汁豆、粟米粒、雜菜沙律、厚多士，整體色彩繽紛，賣相不俗，份量屬望落好豐富嘅All Day Breakfast。炒蛋份量佔多，質感滑溜有蛋香，有輕微香草調味，牛油可配厚多士，亦可配粟米粒，而薯餅炸得香脆可口，已經好過港版金拱門，只係油份多咗啲，兩大塊煙肉、兩條唔同種類腸仔，尤其腸仔入口爆汁，唔乾柴，係有誠意嘅。

每份套餐送熱飲，有檸檬茶、檸檬水、紅棗茶、柚子蜜，跟餐飲品當然係簡單沖泡出嚟嘅熱飲，紅棗茶最啱女士飲用，溫潤暖胃又暖宮，感覺養生，柚子蜜就啱乾燥時潤喉。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 旺角分店位處旺角亞皆老街83號先施大廈4樓401號舖，而另一於旺角山東街50號1-2樓的分店已結業，目前觀塘為最新分店。

❷ 留意午市不設訂座。

❸ 店內為寵物友善餐廳，歡迎攜同寵物進入，但謹記要小心看管自己嘅寵物。

❹ Lunch供應時間為11:30至17:00，Tea Time供應時間為14:30至17:00，而Lazy Breakfast供應時間則為12:00至17:00。

❺ 套餐加配特色飲品有半價優惠，凍飲加$4，加配沙律$15，加配甜品$20。

❻ 留意每人最低消費$60，另有加一服務費。

❼ 記得帶足夠現金，皆因無電子支付。

EATWO

Miss A

【區區有小店2024】美孚6間尚存本土餐廳推介！限定栗子露／平民居酒屋／台式車輪餅｜美孚美食推薦2024